කොරෝනා ආසාධිත චීන ජාතික කාන්තාව සුවය ලබයි

බොහොම හොඳ නිව්ස් එකක්...

වෛරස් රෝගයකට ප්‍රතිකාර නැත. එසේ නම් ලංකාවේ කිනම් බෙහෙතෙන්ද ප්‍රතිකාර කලේ? කියන්න අපිටත් දැනගන්න.

අපිව රවට්ටනවද? ලෝකෙ රවට්ටනවද? එයාලම රැවටෙනවද? කියලා දෙයියොම තමයි දන්නේ... ලෝකෙම මේ වෙනකන් කොරෝනා වෛරසයට බේතක් හොයාගෙනත් නෑ.. ඕක පුලුවන් නම් ලෝක සෞඛ්‍ය සංවිධානයට දන්වලා තහවුරු කර ගත්තා නම් හරි..

හුරේ... මේ ගමන්ම තත්වයෙන් උසස් රෝහල් ටිකක් හැදුවා නම් ලෝකේ හතරවටෙන්ම ලංකාවට එයි... බෙහෙත් ගන්න. දැන් පාර්ලිමේන්තුවේ අයට තේරිලා ඇති ලෝකේ හොඳම දොස්තරලා ඉන්නේ මෙහේ කියලා...

ලංකාවේ කිනම් බෙහෙතෙන්ද ප්‍රතිකාර කලේ

නව කොරෝනා වෛරසයට බෙහෙත් නැනි අතර , රෝගය වැළඳුනු කෙනෙකුට , රෝග ලක්ෂණ සඳහා ප්‍රතිකාර කරනු ලබයි. (symtematic treatments)කාලයත් සමගම රෝගියාගේ ශරීරය තුළම රෝගය සඳහා ප්‍රතිශක්තිය වර්ධනය වේ.(antibodies )ඉන් පසු රෝගියා සුවවේ. අපේ වෛද්‍ය ප්‍රතිකාර පිළිබඳව අපි සතුටු වෙමු. අපි ආඩම්බර වෙමු.

අනේ ඔය දුන්නු බෙහෙත් චීනෙට කිව්වනම් දහස් ගණන් ලෙඩ්ඩු බේරගන්න පුලුවන් නේද?

හෙට කියාවිද දන්නේ නැහැ ලෙඩා මළා කියලා... මොකද එයාලා කියනවා අපි අහනවා...

නොදන්නා අයගේ දැන ගැනීමට... බොහෝ වෛරස් රෝගවලට නිශ්චිත ප්‍රතිකාර ලෙස බෙහෙත් නැත. නමුත් ඒවා සිරුරේ ප්‍රතිශක්තිය නිසා ඉබේම සුවවෙනවා. කවුරුත් දන්නා හොඳම උදාහරණය ඩෙංගු. නව කොරෝනා වෛරසයත් එහෙමමයි. නමුත් මාරාන්තික අවදානම ටිකක් වැඩි ඇති අනෙක් වෛරස් වලට වඩා. ඒකෙන් කියවෙන්නේ නෑ වෛරස් ආසාදිත හැමෝම මැරෙනව කියලා. නමුත් එච්.අයි.වී එහෙම නෙමේ. කලකට ඉහත නම් ඒඩ්ස් වැලඳෙන සැලකිය යුතු පිරිසක් මැරුණා. දැන් නම් ඒඩ්ස් වලටත් ඉතා සාර්ථක ප්‍රතිකාර තියෙනව මම දන්නා තරමින්...

කොරෝනා හැදුණු හැමෝම මැරෙන්නේ නෑ. ප්‍රතිචක්‍රීකරණය අතින් දුර්වල අයගෙන් තමයි මරණ වාර්තා වෙලා තියෙන්නේ. විදෙස් වාර්තා වලට අනුව ලෙඩේ වැළදුණු 120කට අධික පිරිසක් සුවය ලබලා රෝහල් වලින් පිටත් වෙලා ගිහින් තිබෙනවා. කරුණා කරලා රෝහල් කාර්ය මණ්ඩලය අගයන්න. ගරහන්නේ නැතුව... විදේශිකයෙක් වුණත් එයාව පයින් ගහලා රටින් පන්නන්නේ නැතුව හොඳට සලකපු සියලු දෙනාවම ශ්‍රී ලාංකිකයෙක් හැටියට ඉතාමත් ගෞරවයෙන් යුතුව අගය කරමි.

රෝගයක් හැදුණාම මැරෙන්නේ වෙනත් සංකූලතා උත්සන්න වෙලා, ඉතින් ඒ ඒ සංකූලතාවලට ප්‍රතිකාර දුන්නම රෝගියා සුවවෙනවා. මෙතෙන්දි වෙලා තියෙන්නෙත් එ්ක තමයි. වෛරස් රෝගවලට ශරීරයෙන්ම ප්‍රතිදේහ හදලා සුවකරන අතර කාලයේ වෛරසය නිසා ශරීරයේ ඇතිවන සංකූලතාවලට ප්‍රතිකාර දෙනවා, ඉතින් සංකූලතා මරණය ගෙනදෙන තරමට උත්සන්න නොවන නිසා රෝගියා සුවවෙනවා. ඩෙංගු වගේ රෝගයක් ගෙදර ඉඳන් විවේක අරන් සනීප කරන්නත් පුළුවන්, එ්ත් එ්ක මෝඩවැඩක් වෙන්නේ අර කිව්ව විදිහේ සංකූලතා ඉතා දරුණු මරණය ගෙනදෙන තරම් බරපතල වෙන්න පුළුවන් නිසයි. මෙතෙන්දී රෝහල් කාර්යමණ්ඩලයට ස්තුති කළ යුතුයි. ඔවුන්ගේ සේවාව අගයකළ යුතුයි.

හොඳයි ඒත් ලෙඩේ හුදුණු චීනෙටත් බැරිවුණු දේ... ලංකාවෙන් කළේ හාස්කමකින්ද?

මෙතන සිටින සියල්ල දත් යැයි සිතා සිටින බක පණ්ඩිත මහත්වරුන්ට කීමට දේවල් කිහිපයක් ඇත. 1. කොරෝනා වලට නැතත් වෙනත් වෛරස් රෝග සමහරක් වෙනුවන් මේ වනවිටත් ප්‍රතිවෛරස ඖෂධ ඇත. උදා: පැපොල, හර්පීස් වෙනුවෙන් 2. වෛරස් රෝගීන් ඇතැමෙක් ස්වභාවිකවම ප්‍රතිශක්තිය ලබා ගෙන සුවය ලබන බව සැබෑය. නමුත් එතෙක් ඔවුන්ගේ ජීවිතය රැකදීමට වෛද්‍ය ප්‍රතිකාර ලබා දීම, සහය ලබා දීම වැදගත්ය. 3. ඒ නිසා එසේ ප්‍රතිශක්තිය ලබා සුවය ලබන විට ඒ වෙනුවෙන් වන වෛද්‍ය හා සෞඛ්‍ය කාර්යමණ්ඩල සහාය අවතක්සේරු කරන්නේ නම් එක්කෝ ඒ නොදන්නා කමටයි. නැත්තන් කුහක කමටයි. එසේත් නැතිනම් කැමැත්තක් සිතා ගත හැකිය.

මෙච්චර දක්ෂ වෛද්‍යවරු සහ ප්‍රතිකාර මෙහෙ තියද්දී ඇයි මේ රටේ දේශපාලකයෝ සිංගප්පුරු යන්නේ? මහජන මුදල් නාස්ති කරන්නද?

සරලව කියනවා නං ලංකාවේ ඩොකාලා කළදෙයක් නැත. ලෙඩාට ඉබේ සුව විය. චීනේ ඩොකාලා සහ අනෙක් රටවල ඩොක්කු වැඩකරුවෝය. ඒ අය බිම නිදාගෙන අල්ලට නොකා, සතපහක් නොගෙන ලෙඩ්ඩුන්ට සේවය කරනවා. ඒ ඈයෝ ලෙඩ ගැන දනිති. ප්‍රතිකාරයද දනිති. ඒ අයගේ වෛරස අපේ වෛරසයට වඩා බොහෝ දරුණුය...