(ඉන්දිකා  රාමනායක සහ යොහාන් භාසුර)

කොළඹ කුරුදුවත්තේ රථවාහන රාජකාරියේ නිරත වෙමින් සිටියදි   මෝටර් රථයක ගැටීමෙන් බරපතල තුවාල ලබා මියගොස් සිටි  ආධුනික පොලිස් කොස්තාපල් (19498) මනෝජ් ප්‍රියංකර  මහතා  පොලිස් සැරයන් නිළයට උසස් කිරීමට පොලිස්පතිවරයා විසින් පියවර ගෙන ඇත.

මෙම ආධුනික කොස්තාපලවරයා පොලිස් කොස්තාපල් තනතුරේ ස්ථිර කර පශ්චාත් උසස්වීමේ පදනම යටතේ අද දින සිට සැරයන් නිළයට උසස් කර ඇත.

මෙම කොස්තාපල්වරයා  ඊයේ (5) පස්වරුවේ රථ වාහන රාජකාරියේ යෙදී සිටියදි  අධික වේගයෙන් ධාවනය වෙමින් තිබු  සුඛෝපභෝගි මෝටර් රථය  ගැටී  බරපතල තුවාල ලබා කොළඹ ජාතික රෝහලේ දැඩි සත්කාර ඒකකයේ ප්‍රතිකාර ලබමින් සිටියදි  අද අලුයම මියගොස් තිබුණි.