කි‍්‍රකට් කී‍්‍රඩකයන්ට වාර්ෂික කොන්ත‍්‍රාත්තු පිරිනැමීමේදී කී‍්‍රඩකයන්ගේ දස්කම් සහ ඔවුන්ගේ ශාරීරික යෝග්‍යතාව මෙන්ම කැපවීම පිළිබඳවද තක්සේරු කිරීමට ශී‍්‍ර ලංකා කි‍්‍රකට් ආයතනය තීරණය කර තිබේ. මෙවන් තීරණයක් ගැනීමට ආසන්නතම හේතුවක් වී ඇත්තේ දැනට 100 ක් පමණ වන කොන්ත‍්‍රාත් කී‍්‍රඩකයන් 70 ක් දක්වා අඩු කිරීම ශී‍්‍ර ලංකා කි‍්‍රකට් ආයතනයේ අවශ්‍යතාවක් වීම බවද තතු දන්නෝ කියති. මෙතෙක් කලක් කොන්ත‍්‍රාත් පදනම මත කී‍්‍රඩකයන් බඳවා ගැනීමේදී ප‍්‍රධාන නිර්ණායකය වූයේ ජාතික තේරීම් කමිටුව විසින් ඒ ඒ කී‍්‍රඩකයන්ට දෙනු ලබන රෙකමදාරුවයි. එහෙත් පසුගිය දිනවල ශී‍්‍ර ලංකා කි‍්‍රකට් ආයතනය මුහුණ දුන් ඇතැම් ප‍්‍රශ්න වලින් හෙළිදරව් වූයේ කී‍්‍රඩකයන් වැඩි වශයෙන් උනන්දු වන්නේ තමන්ගේ කොන්ත‍්‍රාත්තුව ලබාගැනීමට මිස අත්සන් කළ කොන්ත‍්‍රාත්තුවට අනුව කී‍්‍රඩා කිරීමට නොවන බවයි. ඒ අනුව සෑම කී‍්‍රඩකයකුම දේශීය තරගාවලියේදී මේ වසරේ දක්වන දස්කම් ලබන වසරේදී කොන්ත‍්‍රාත්තුවට ඇතුළත් වීම සඳහා තීරණාත්මක සාධකයක් වනු ඇත. ලසිත් මාලිංග පසුගිය වසර සඳහා වූ කොන්ත‍්‍රාත්තුව අත්සන් කිරීම ප‍්‍රතික්ෂේප කළ අතර ඊට හේතුව ලෙසින් ඔහු සඳහන් කර තිබුණේ එවන් මුදලක් සඳහා ශී‍්‍ර ලංකා කි‍්‍රකට් ආයතනය සමග ගිවිසුමකට බැඳීමට තමන් සූදානම් නැති බවයි. ටෙස්ට් කී‍්‍රඩාවෙන් විශ‍්‍රාම ගැනීම හේතුවෙන් ජාතික කණ්ඩායම නියෝජනය කරන ‘ඒ’ ශ්‍රේණියේ කී‍්‍රඩකයකුට හිමි කොන්ත‍්‍රාත් මුදලින් 40% ක මුදලක් ලසිත් මාලිංගට හිමි වේ. ටෙස්ට් තරගද කී‍්‍රඩා කරන්නේ නම් ‘ඒ’ ශ්‍රේණියේ කී‍්‍රඩකයකුට හිමි සම්පූර්ණ කොන්ත‍්‍රාත් මුදල ඔහුට ලබාගත හැකිය. ජාතික කණ්ඩායම වෙනුවෙන් කී‍්‍රඩා කරන කී‍්‍රඩකයන් ඇතුළත් මධ්‍යම කොන්ත‍්‍රාත් ගිවිසුමට කී‍්‍රඩකයන් 35 ක් පමණ තෝරා ගැනීමටත්, ශී‍්‍ර ලංකා ‘ඒ’ සහ වෙනත් අංශ සඳහා කී‍්‍රඩකයන් 35 ක් පමණ තෝරා ගැනීමටත් මේ වන විට ශී‍්‍ර ලංකා කි‍්‍රකට් ආයතනයේ අවධානය යොමු වී තිබේ. ඉදිරියේදී එක දිගට පැවැත්වෙන කි‍්‍රකට් තරග වැලක් සඳහා ශී‍්‍ර ලංකා කණ්ඩායම මුහුණ දෙන අතර ඒ සඳහා කී‍්‍රඩකයන් මනා ශාරීරික යෝග්‍යතාවකින් පසුවිය යුතු බවත් ශී‍්‍ර ලංකා කි‍්‍රකට් නිලධාරීහු කියති. විස්සයි/20 තරග 2 කට, එක්දින තරග 5 කට සහ ටෙස්ට් තරග 3 කට සහභාගි වීම සඳහා පාකිස්තානු පිල මේ මස 29 වැනිදා දිවයිනට පැමිණෙන අතර පාකිස්තානු සංචාරයෙන් අනතුරුව ඉන්දීය පිලේ ශී‍්‍ර ලංකා සංචාරය ආරම්භ වෙයි. තවමත් ස්ථිර වී නැති නමුත් ඉන්දීය පිලේ ශී‍්‍ර ලංකා සංචාරය, එක්දින තරග 5 කින් සහ විස්සයි/20 තරග දෙකකින් සමන්විතය. දෙවතාවක්ම කල්දමන ලද ශී‍්‍ර ලංකා විස්සයි/20 තරගාවලිය අගෝස්තු මාසයේදී පැවැත්වීමට දැනට සැලසුම් කෙරීගෙන යන අතර එය අවසන් වූ වහාම, විස්සයි/20 ලෝක කුසලාන තරගාවලිය ශී‍්‍ර ලංකාවේදී පැවැත්වෙයි.