(අංජුල මහික වීරරත්න)
මෙරට ක්රිකට් ක්රීඩාව දේශපාලනයෙන් තොරව පවත්වාගෙන යාම තම අරමුණ බව ජනාධිපති රනිල් වික්රමසිංහ මහතා පැවසිය.
2030 දී මෙරට ක්රිකට් ක්රීඩාව තිබිය යුත්තේ කොතැනද කියා දැක්මක් තමා සතු බව පැවසු ජනාධිපතිවරයා පාසල් ක්රිකට් ක්රීඩාව දියුණු කිරීම සඳහා මෙවර අයවැයෙන් රුපියල් බිලියන 1.5 ක් වෙන් කළේ එම නිසා බවත් එය ඉදිරියේදී වසරකට බිලියන 02 දක්වා ඉහළ නැංවීමට අපේක්ෂා කරන බවත් පැවසීය.
මෙම මුදල් පරිපාලනය සහ පාසල් ක්රිකට් ක්රීඩාව දියුණු කිරීම ස්වාධීන භාරයක් වෙත පැවරීමට අපේක්ෂා කරන බව සඳහන් කළ ජනාධිපතිවරයා සියලු කටයුතු විනිවිදභාවයෙන් පවත්වාගෙන යමින් අපේක්ෂිත අරමුණු ඉටු කර ගැනීම ඉන් බලාපොරොත්තු වන බව ද සඳහන් කළේය.
එසේම ක්රිකට් ක්රීඩාවට අදාළව ඉදිරියේ දී ගෙන එන නව නීති මඟින් අතුරු කමිටුවල සහ ඇමතිවරයාගේ බලතල අහෝසි වන බව සඳහන් කළ ජනාධිපති රනිල් වික්රමසිංහ මහතා ක්රීඩාව වාණිජකරණය වෙනවා නම් එය දේශපාලනයෙන් තොරව තබා ගැනීමේ අවශ්යතාවද අවධාරණය කළේය.
රටේ නව ආර්ථිකයක් ගොඩනඟමින් සමෘද්ධිමත් ජාතියක් බවට පත්වීමේ සැලසුම් රජය මේ වන විට ක්රියාත්මක කර ඇති බවත් ක්රිකට් ඇතුළු අනෙකුත් ක්ෂේත්රවලද දක්ෂතා දක්වන ජාතියක් බවට ශ්රී ලංකාව නැවත පත්විය යුතු බවත් ජනාධිපතිවරයා අවධාරණය කළේය.
ජනාධිපති රනිල් වික්රමසිංහ මහතා මේ බව සඳහන් කර සිටියේ කොළඹ කෝල්ට්ස් පිටියේ පැවති කොළඹ කෝල්ට්ස් ක්රීඩා සමාජයේ 150 වන සංවත්සර සැමරුම් උත්සවය අමතමිනි.
COMMENTS
Reply To:
Sisira - cb chds hcdsh cdshcsdchdhd
අරමුණ එකක්... කරන්නේ එකක්... යන්නේ කොහේද මල්ලේ පොල්...
ඊට කලින් මේ අයව දේශපාලනයෙන් අයින්කරනවා. තව දවස් 300යි.
අනේ මහත්තයෝ ඔයාගේ බොරුවලට අපි රැවටෙන්නේ නැහැ. ඔයා ඒ කාලයේ වීරයෙක් වුණා.. අපට දැන් ඔයා එපා... ඒ තත්වය ඇති කළේ ඔයාම තමයි. 1977 ඉඳන් මේ වනතුරු ඇමැති තනතුරු, කැබිනට් ඇමැති තනතුරු, අගමැති තනතුරු රාශියක් දරපු ඔහේ මේ රටට මොනවද කළේ..? ඔයා කලේ හැමදාම අපිව ඇන්දුවා. දැනුත් අපිව අන්දනවා. ඔයා ගිය ආණ්ඩුවලත්, මේ ආණ්ඩුවේත් ඇමැතිවරුන්ට හොරකම් කරන්න දීලා ඔහේ පඹයෙක් වගේ බලන් ඉන්නවා... රට බංකළොත් කරපු එකට ඔයගොල්ලෝ තමයි වග කියන්න ඕනේ... ඔයගොල්ලෝ ඒ කාලේ ඉඳලා ඇමැතිවරුන්ට සහ ආණ්ඩුවේ ඉහළ අයට හොරකම් කරන්න දීලා ඔහේලා නොදැක්කා වගේ බලන් හිටියා... ඔයගොල්ලෝ පිරිමි වගේ මේ අයට විරුද්ධ එදා සිට අද දක්වා හරි තීරණ ගත්තා නම් මේ රට මෙහෙම බංකලොත් වෙන්නේ නැහැ. ඔයාට කිසිම දෙයක් ගැන දැනීමක් නැහැ... ඔයා එදා කලේත්, දැන් කරන්නේත් දුප්පත් මිනිස්සුම අල්ලාගෙන අහස උසටම බදු ගහනවා... රජයේ ලාබ ලබන දේපළ විකුණනවා... හිඟා කකා පිටරට වලින් ණය ගන්නවා සහ ඔයගොල්ලෝ සුර සැප වින්ද දේ තමයි කළේ... ඔහේලා උඩ පැනපැන ගත්තු ණය අපි තමයි ගෙවන්න ඕනේ... සුද්දා එදා ඉඳලා මේ රට කළා නම් අද මේ රට ලෝකයේ ආර්ථිකය අතින් ඉහළින්ම තියන රටක්... එම නිසා කරුණාකර අපට පවු නොදී ඔහේ ඇතුළු සෙට් එකම දැන් ගෙදර ගිහින් විවේක ගන්න...
ක්රිකට් පාලක මණ්ඩලේ ඩොලර් මිලියන 30ක් පමණ ගිණුම්වල තිබෙන කොට, පාලකයෝ, ගණිකාවෝ සමග මණ්ඩලේ වියදමින් ඕස්ට්රේලියාවේ රවුම් ගහනකොට, මහජන මුදල් ක්රිකට් එකට යොදවන්නේ ජනාධිපතිට පිස්සුද? ක්රිකට් ප්රවර්ධනයට මුදල් වියදම් කළයුත්තේ ක්රිකට් බෝර්ඩ් එක මිසක් ආණ්ඩුව නොවේ... දැනට එක වියදමට බිල් දෙකක් දමා මුදල් ගන්න ශම්මි ඉදිරියට ආණ්ඩුවටත් බිල් දමාවි, වැඩිපුර සල්ලි තිබෙනවා නම් අර පිළිකා රෝහලේ බෙහෙත් ගන්න සල්ලි නැතුව මිය යන මිනිස්සුන්ගේ ජීවිත බේරගන්න මේවා වියදම් කරන්න බැරිද?
එතකොට සාගල කොතැනද?
මෙරට ක්රිකට් ක්රීඩාව දේශපාලනයෙන් තොරව පවත්වාගෙන යාමකල යුතුවේ. එසේ වුවත් රජයේ යම් අධීක්ෂණයක් තිබිය යුතුවේ. ඒ සඳහා කළයුතු වන්නේ රජය ICC වෙත යෝජනාවක් ඉදිරිපත්කර ICC මගින් පත්කරන්නා වූ දූෂිත නොවන නිලධාරියකු ශ්රී ලංකාවෙන් තෝරා ඔහු ශ්රී ලංකා ක්රිකට් ආයතනයේ කටයුතු අධීක්ෂණයට පත්කර ICC මගින් ඔහුගේ වැටුප ගෙවීමට කටයුතු සලස්වා (මූලික අදහස වූයේ අවංකවම ක්රිකට් ක්රීඩාව දියුණු කිරීමට උනන්දු වන මුදල් පසුපස හඹා නොයන්නා වූ දූෂිතයකු නොවන අරවින්ද, සිදත් වෙත්තමුණි හෝ මහානාම වැනි කෙනෙකු පාර්ලිමේන්තු මන්ත්රීවරයකු ලෙස පත්කර පාර්ලිමේන්තුවට පත්කළ පසු ඔහුට රජයෙන් වැටුපක් ලැබේ) ICC ඔහුට ගෙවන්නා වූ $ වැටුප එම මන්ත්රීවරයා හෝ ඇමැතිවරයා ස්වේච්ඡාවෙන් ගිලන් වූ භික්ෂූන් ගේ නඩත්තුව වෙනුවෙන් ලබාදීමට කටයුතු කරලීම වේ. මේ පිළිබඳව ජනාධිපතිවරයා සොයා බලා යම් තීරණයක් ගැනීමට හැකිනම් වැදගත් වනු ඇත... හෝ මෙයට වඩා සුදුසු තීන්දුවකට එලැඹීමට හැකිවේ...
ඊට ඉස්සෙල්ලා මෙයා අතුගෑවිලා යනවා...
ඔබතුමා කියන්නේ හොරුන්ට ඒ විදිහටම හොරාකන්න දෙන්න කියලද? ශම්මිලාගෙන් ඔබතුමාගේ පක්ෂයට වාසි ලැබෙනවා වගේ අපට තේරුම් යන්නේ...