එළඹෙන මහ කන්නයේ කුඹුරු ඉඩම් ලක්ෂ දෙදකට පමණ කාබනික පොහොර සකස් කර දීමට රජය පියවර ගෙන ඇතැයි පාර්ලිමේන්තු මන්ත්‍රී අතුරලියේ රතන හිමියෝ හම්බන්තොට දිස්ත්‍රික්කයේ ගොවි සංවිධාන හා රාජ්‍ය නිලධාරීන් දැනුවත් කිරීමේ වැඩසටහනකට එක්වෙමින් කීහ.

‘ග්ලයිෆොසේට් ඇතුළු තවත් ආසනික් ඇතුලත් කාෂී රසායනික බෙහෙත් ගෙන්වීම නතර කර තිබෙනවා. දැනට වගාවන් සඳහා යොදන ප්‍රමාණය සියයට අසූවකින් පමණ නතර කර තිබෙනවා. මේවා හොර පාරෙන් රටට එනවා ඇති කසිප්පු නතර කිරීමට බැරි වගේ මෙයත් සම්පුර්ණයෙන්ම නතර කරන්න අමාරුයි. ගැටළු තියනවා. එහෙත් ගොවි මහතුන් දැනුවත් කිරීම නිසා එය යෙදිම දැනටමත් සියයට අසූවකින් පමණ නතර කර තිබෙනවා.

පොහොර සහනාධාරය වෙනුවට ගොවියාට මුදල් ලබා දිමෙන් එම මුදලට රසායනික පොහොර වෙනුවට කාබනික පොහොර මිළ දී ගැනිමට හැකියාව තිබෙනවා.අක්කරයකට කිලෝ 300 ක් පමණ ප්‍රමාණවත් වෙනවා. මේ සඳහා කාබණික පොහොර නීෂ්පාදනය කිරිමට දැනටමත් පියවර ගෙන තිබෙනවා.

වස විසනැති ආහාර සම්බන්දව අද සමාජයේ ලොකු උනන්දුවක් තියනවා. ඒවා සැපයිමට කටයුතු කිරීමෙන් ගොවියාට වෙළඳපොල ජය ගත හැකි වෙනවා.‘ යැයිද ඒ හිමියෝ පැවසූහ.