අනුරාධපුර, ඔයාමඩුව සහ සේනානායක මාවත කාබනික පොහොර ඇසුරුම් මධ්යස්ථාන ජනාධිපති ගෝඨාභය රාජපක්ෂ මහතාගේ නිරීක්ෂණයට ලක්විය.
ඉඩම් ප්රතිසංස්කරණ කොමිෂන් සභාව මගින් උතුරු මැද පළාත තුළ මධ්යස්ථාන 35කදී කාබනික පොහොර නිෂ්පාදනය සිදු කරනු ලැබේ.
ඒ සඳහා ජපන් ජබර, ගිනිසීරියා, කුකුළු අපද්රව්ය, වියළි ගොම සහ එප්පාවල රොක් පොස්පේට්, අමුද්රව්ය ලෙස යොදාගැනේ.
මහ කන්නය සඳහා කාබනික පොහොර මෙට්රික් ටොන් 50,000ක් නිෂ්පාදනය කිරීමට ඉඩම් ප්රතිසංස්කරණ කොමිෂන් සභාව අපේක්ෂා කරයි.
අනුරාධපුර ඔයාමඩුව, සේනානායක මාවත, පදවිය, මහඉලුප්පල්ලම, එප්පාවල සහ තලාව පිහිටි මධ්යස්ථාන 6කදී පොහොර ඇසුරුම් කර, කොමර්ෂල් පොහොර සමාගමට ලබා දෙයි. අනතුරුව කොමර්ෂල් පොහොර සමාගම ගොවිජන සේවා දෙපාර්තමේන්තුව මගින් ගොවි ජනතාව වෙත කාබනික පොහොර බෙදාහැරීම සිදු කරයි.
මෙම කාබනික පොහොර මෙට්රික් ටොන් එකක් කුඹුරු හෙක්ටයාරයකට භාවිත කළ හැක. පොහොරවල නිෂ්පාදන කටයුතු සහ ගුණාත්මකභාවය පිළිබඳ ඇසුරුම් මධ්යස්ථානවලදී හෝ නිෂ්පාදන මධ්යස්ථානවලදී ගොවීන්ට දැක බලා ගැනීමට ද අවස්ථාව සලසා තිබේ.
COMMENTS
Reply To:
Sisira - cb chds hcdsh cdshcsdchdhd
ජනාධිපතිකෙනෙක් ඉන්නේ හැදෙන වම්බටු කරල ගැන පොහොර ටික ගැන හොයන්නද.?
ඇන්දවීම ඇන්දගැනීමේ කෙලවරක් නැද්ද ?
මෙතුමාගේ මේ දැක්ම මිනිසුන් තේරුම් ගන්නෙ නෑ. හැම දෙයක්ම තම තම පක්ෂවල පාට හරහා බලනකොට හරි වැරැද්ද කාටවත් වැටහෙන්නෙ නෑ. හරි දේට හරි කියන්නත් වැරදි දේට වැරදි කියන්නත් දැක්මක් නැති වෙනවා.
අද පොයනේ සර් චෛත්ය වඳින්න ආපු ගමන් ඩියුටියක් දාගෙන මගේ හිතේ
මෙහම තමයි බලයට ආපු ගමන් පාස්පෝර්ට්, ආර් එම වී, ගුවන්තොටුපොළ, හාල් එළවලු මිල බලන්නත් ගියේ. නමුත් වැඩක් නැහැ.