කොටි සංවිධානයේ හිටපු අවි සැපයුම් කරු බව කියන කුමරන් පද්මනාදන් හෙවත් කේපීගේ විදේශ ගමන් බලපත්‍රය තහනම් කරන ලෙස අභියාචනාධිකරණය අද අගාමන විගමන දෙපාර්තමේන්තුවට නියෝග කළේය.

අධිකරණය එම නියෝගය කළේ ජනතා විමුක්ති පෙරමුණ ගොනු කළ පෙත්සමක් සලකා බලමිනි.

කොටි නායක ප්‍රභාකරන්ගේ මරණයෙන් පසු සංවිධානයේ නායකත්වයට පත්වූයේ කේබී බව කියති.

නම් කිහිපයකින් විදේශ ගමන් බලපත්‍ර කිහිපයක් ඔහුට ඇතැයි දැනගන්නට ඇත.

අධිකරණයෙන් නිකුත් කැරුණු විවෘත වරෙන්තු මත අන්තර්ජාතික පොලිසියෙන් අත්අඩංගුවට ගත් කුමරන් පද්මනාදන් පසුගිය රජය සමයේ ලංකාවට ගෙන එනු ලැබීය.