2001 ජනවාරි 24 වැනිදා කටුනායක ගුවන් හමුදා කඳවුරට කොටි ප්‍රහාරයක් එල්ල කර ගුවන් යානා 40ක් වැනසී යැයි කියන සිද්ධියේ නඩුව ජූලි 29 වැනිදා විභාගයට ගැනීමට අයිරාංගණී පෙරේරා කොළඹ මහාධිකරණ විනිසුරුවරිය දින නියම කළාය.

රත්නසිංහම් පුෂ්පකුමාරන් හෙවත් පොන්නදුරෙයි නිර්මල රංජන් හෙවත් මසූර්, වික්ටර් ඇල්ඩේ ඩොමිනික්, සුබ්‍රමනියම් නවරාජසිංහම්, නාගේන්ද්‍රන් නාගරත්නම් හා තනබාලසිංහම් ජයලක්ෂ්මී චෝදනා 311 ක් යටතේ මේ නඩුවෙන් චෝදනා ලබා සිටිති.

ගුවන් භටයන් හත් දෙනකු මරා දමා 14 දෙනකුට තුවාල කළැයි ඔවුහු චෝදනා ලබා සිටිති.

බෙල් හෙලිකොප්ටර් අටක් මිග් හෙලිකොප්ටර් හතරක් කෆීර් ප්‍රහාරක යානා හයක් මිග් ප්‍රහාරක යානා තුනක් හා ගුවන් යානා පහකට අලාභ හානි කළැයි ඔවුහු චෝදනා ලබා සිටිති.

නඩු භාණ්ඩ 244කි. කොටින්ගෙන් අල්ලාගත් ටී56 අවි ආර්පීජී, ස්නයිපර් අවි හා ශබ්දය නොඇසෙන අවි, පිස්තෝල දෙකක් ද ඒ අතර වෙයි. සාක්කිකරුවන්ගේ ගණන 415කි.

3 33 Air-Lanka Airlanka2