(පුෂ්ප කුමාර මල්ලව ආරච්චි)

මීගමුව - මිනුවන්ගොඩ මාර්ගයේ බොලවලාන ප්‍රදේශයේදී තරුණයන් දෙදෙනකුට මරු කැඳවමින් යතුරුපැදි දෙකක් කන්ටේනර් රථයක ගැටීමේ සිද්ධියෙන් පසු කන්ටේනර් රථයට ගිනි තබා හානි සිදුකිරීමේ සිද්ධියට සම්බන්ධ සැකකරුවන් තිදෙනකු කටාන පොලිසිය මගින් අත්අඩංගුවට ගෙන තිබේ.

මීගමුව - මිනුවන්ගොඩ මාර්ගයේ 2 කණුවත් 3 කණුවත් අතර බොලවලාන ප්‍රදේශයේදී  මාර්ගය හරහා හරවමින් තිබූ කන්ටේනර් රථයක, මීගමුව දෙසට වේගයෙන් ධාවනය වූ යතුරුපැදි දෙකක්  ​පසුගිය 29 වන දින රාත්‍රී 11.10 ට පමණ ගැටීමෙන් මෙම අනතුර සිදුවී ඇත.

අනතුරින් යතුරුපැදිවල ගමන් කළ වයස අවුරුදු 18 සහ 20 යන වයස්වල පසුවූ මීගමුව, දාගොන්න ප්‍රදේශයේ පදිංචිකරුවන් දෙදෙනකු ජීවිතක්ෂයට පත්විය.

​අනතුර සිදුවූ අවස්ථාවේදී කන්ටේනර් රථයේ රියදුරු කටාන පොලිස් නිලධාරීන් විසින් අත්අඩංගුවට ගෙන ඇති අතර, එම අවස්ථාවේ පිරිසක් ප්‍රකෝපකාරී ලෙස හැසිරෙමින් කන්ටේනර් රථයට ගිනි තබා අලාභහානි සිදුකර තිබේ.