(ඉන්දිකා  රාමනායක)
 
චීනයෙන් මෙරටට ආනයනය කර තිබූ වූ මිනිස්  පරිභෝජනයට  නුසුදුසු ආසනික් අඩංගු වූ  ටින් මාළු මෙට්ට්‍රික් ටොන් 768  ක ප්‍රමාණයක් නැවතත් ප්‍රති අපනයනය කිරීමට රේගුව පියවර ගෙන ඇත .
 
රුපියල් මිලියන 384 ක්    වටිනා මෙම ටින් මාළු  බහාලුම්  48 ක තිබූ බවත් එය 2014 මෙරටට ආනයනය කර ඇති බව රේගුව සඳහන් කරයි .
 
මෙම ටින් මාළු සම්බන්ධයෙන්  ප්‍රමිති නිර්නායක  සනාත නොකිරීම හේතුවෙන් ලංකා ප්‍රමිති ආයතකය   විසින් පරිභෝජනය ප්‍රතික්ෂේප කර ඇති බව අතිරේක  රේගු අධ්‍යක්ෂ  රේගු මාධ්‍ය ප්‍රකාශක සුනිල් ජයරත්න මහතා පැවසිය.
 
මෙම ටින් මාළු වල මිනිස් පරිභෝජනයට නුසුදුසු ආසනික් අඩංගු වී ඇති බවද  රේගු මාධ්‍ය ප්‍රකාශකවරයා කියා සිටියේය
 
මෙම ටින් මාළු සම්බන්ධයෙන් රේගු පාරිභෝගික ආරක්ෂණ ඒකකය  පරීක්ෂණ පවත්වා ඒවා  නැවත  ප්‍රති අපනයනය කිරීමට පියවර ගෙන තිබිණි .
 
 
රේගු අධ්‍යක්ෂ ජනරාල්ක්‍ විශ්‍රාමික මේජර් ජනරාල් විජිත රවිප්‍රිය  මහතාගේ අධිකෂණය යටතේ,  රේගු  පාරිභෝගික ආර්අෂණ ඒකකයේ අතිරේක උපදේශක  ජනරාල්   එස් ආදීනන්දීෂ්වීවරන්,   රේගු අධිකාරි එස් පී එෆ් අශ්රොෆ් යන මහත්වරුන්ගේ මෙහෙයවීමෙන්  මෙම ටින් මාලු ප්‍රති අපනයනය කිරීමේ ක්‍රියාවලියේ   පළමු  පියවර වශයෙන් බහලුම් දෙකක් අද  (17)  ප්‍රති අපනයනය කළ අතර  මෙම මස අගදී  ඉතිරි බහාලුම් ප්‍රති අපනයනය කරන බවද රේගු ප්‍රකාශකවරයා  වැඩිදුරටත් පවසයි.