හම්බන්තොට සනත් ගමගේ
අම්බලන්තොට කොග්ගල්ල හබරත්තවල ප්‍රදේශයේ දි සිදු කළ  මෙහෙයුමක දී පොලිස් අණ නොතකා පලා ගිය කුඩා ලොරි රථයකට පොලිසිය වෙඩි  තැබීමෙන් තරුණයකු මියගොස්  ඇතැයි පොලිසිය කියයි.
මාර්ගයේ ගමන් ගත්  ලොරි රථයක් නතර කිරීමට අණ කළ ද එහි සිටි අය  පොලිසිය දෙසටද වෙඩි තබා  පලාගොස් ඇති අතර අද උදේ හබරත්තවල මාර්ගයේ පුද්ගලයෙක් ඝාතනය කර ඇති බවට පොලිසිය පරීක්ෂණ පැවැත්වීමේ දී වෙඩි ප්‍රහාරයට ලක් වූ ලොරි රථයේ සිටි පුද්ගලයෙකුට වෙඩි වැදීමෙන් පසු එම පුද්ගලයා මහ මඟ දමා අනික් අය පලා ගොස් ඇති බව අනාවරණය වි තිබේ..
පසුව පලා ගිය පුද්ගලයින් දෙදෙනෙක් සහ ලොරි රථය නීතිඥවරයෙකු මගින් අද  දහවල් අම්බලන්තොට පොලිසියට භාරදී ඇත.
හබරත්තවල මාර්ගයේ මළ සිරුර දමා ගොස් තිබූ ස්ථානයේ සිට එම මාර්ගයේ තැන්  කිහිපයක කෙසෙල් කැන්  දමා ගොස් තිබී පොලිසිය සොයා ගත්  බවත් පොලිසිය කියයි.
මෙම සිද්ධියෙන් මිය ගොස් සිටින වයස අවුරුද 19 ක පමණ පුද්ගලයා ප්‍රදේශයේ විවිධ සොරකම් සම්බන්දව මිට පෙර අවස්ථා කිහිපයකදී පොලිසිය අත් අඩංගුවට ගෙන ඇති අයෙක් බව පොලිසිය කියයි. 
හොරට කෙසෙල් කැන් කපා යන අතර පොලිසිය වහනය පරීක්සා කිරිම නිසා මෙම සිදුවිම සිදු වු බවට මූලික පරීක්ෂණවලින් හෙළි වූ බව  පොලිසිය පවසයි.