වතුකරේ කොංග්‍රස් ලොක්ක "කුකුළත්" අරන් ආණ්ඩුවෙ අත්තක වහන්න යන එකට වලි කෝටියයි... 

උන්නැහේ එක්ක කොක්කෙ ඉන්න වතුකරේම මැති ඇමැති කස්ටියත් උන්නැහේලගෙ කණ්ඩායමේ කවුන්සිල් මැම්බර්ල හය දෙනෙක් විතර ඉන්නවය කියලත් කියවෙනව. ඉතින් කොංග්‍රස් කස්ටිය ගන්නවට කැමති නැති කණ්ඩායමේ ලොක්කෙක් තමන්ගෙ විරෝධය ඉදිරිපත් කරන්න පසුගියදාක රටේ ලොකුම මහත්තයෙක් හමුවෙන්න කොටුව පැත්තෙ තියන මහකන්තෝරැවට ගියා. ගිහිල්ල උන්නැහේ හම්බුවෙලා "සර්ට ඡන්දය කාලෙ හිටියෙ අපි විතරයි. ඇයි එදා විරැද්ධ වුණ අරයව ගන්නෙ... අපි හය දෙනයි එයාගෙ දෙන්නයි" කියල ලොකු අඩෝවැඩියාවක් දැම්ම.

මෙයා මොනතරම් ඇඬියාව දැම්මත් ලොකුමහත්තය එක් ඒ හැටි ගණන් ගත්තෙ නැහැල්ලු. ඊළඟට වතුකරේ වලිකාරය අන්තිම තුරැම්පුව ඇද්ද. "එයා ආවොත් නම් සර් අපි ආණ්ඩුවෙ ඉන්නෙ නැහැ. අපි යනව..." වතුකර ඇමැති කිව්ව...

කතාව අහන් හිටපු ලොකුමහත්තය ඒකත් සීරියස්ලි ගණන් ගත්තෙ නැතිලු... උන්නැහේ කිව්වෙ "හොඳයි අපි බලමු මොකද වෙන්නෙ කියල..." කියන එක විතරයි...

මේ කතාව දැනගත්ත ආණ්ඩුවෙ ඉන්න ටිකක් මොළේ තියන ඇමැති කෙනෙක් ඒ ගැන කොටුවෙ මහකන්තෝරැවෙදි අමුතුම විග්‍රහමයක් කළා. එයා කීවෙ මෙහෙමයි...

"ඔය යනවය කියන හය දෙනා ඉන්නෙ අපේ පාටියෙ නෙවෙයිනේ... ආණ්ඩුව කරන අලි පාටියෙනේ... ඒකත් පොයින්ට් එකක් බව අමතක කරන්න එපා..." කියලයි.