(සුජිත් හේවාජුලිගේ )

කොළඹදී  පැවැත්වෙන ඒකාබද්ධ විපක්ෂයේ උද්ඝෝෂණයේදී ජන ජීවිතයට හා මහජනතාවගේ සමායට බාධා ඇති කළහොත් සුදුසු උපරිම  නීතිමය ක්‍රියාමාර්ග ගන්නා බව පොලිස්පති පුජිත ජයසුන්දර මහතා පැවසීය.


ජන ජීවිතයට  මහජන සාමයට බාධා නොවන අයුරින් කටයුතු කරන්නැයි  උද්ඝෝෂක සංවිධායකයින්ගෙන් තමා ඉල්ලීමක් කරන බවද පොලිස්පතිවරයා කීවේය.

උද්ඝෝෂණය පැවැත්වෙන 05 වැනිදා  කොළඹ නගරයේ ආරක්ෂාව සඳහා පොලිස් විශේෂ කාර්ය බළකායද  යොදවන බව කී   ජයසුන්දර මහතා පිට පළාත් වලින්ද පොලිස් කණ්ඩායම් කිහිපයක්ම කැඳවන බවද  ප්‍රකාශ කළේය.


පාර්ලිමේන්තුව ඇතුළු  නගරයේ වැදගත්ම ස්ථාන රැසකට විශේෂ ආරක්ෂාව යොදවන බවත්  අමතර බුද්ධි අංශ කණ්ඩායම්, කැරලි මර්ධන කණ්ඩායම්,  රථ වාහන පොලිස් නිලධාරීන් ද සීරුවෙන් තබන බවත් පොලිස්පතිවරයා සඳහන් කළේය.


 නියෝජ්‍ය පොලිස්පතිවරුන්ද  කැඳවා මේ සම්බන්ධයෙන් උපදෙස ලබා දුන් බවද  හෙතෙම සඳහන් කළේය.