එස් අයි ඝාතන සැලැස්ම ගෙදරින්ම?

දැන් තනියම නිදා ගැනීමේදී ඝාතනයට ලක්වීමේ වැඩි ප්‍රවනතාවයක් ඇති බැවින්, පොලිසිය තනියම නිදා ගැනීම තහනම් කරයිද දන්නේ නෑ. (ස)

ඇත්තටම ඔව්. (බ)

අනිවාර්යයෙන්ම මේක නෝනාගේ වැඩක් වෙන්න ඕන (බ)

ශා... මාරයිනෙ මෙතන බුද්ධි අංශ සාමාජිකයන්නේ ගොඩක් ඉන්නෙ.පොලිසියටත් කලින් ප්‍රශ්න විසදලා...(ම)

ඊයේ දැකපු vidio එකෙන් මට පොඩි සැකයක් අවා එයාගේ බිරිද කතාකරපු විලාසය සැකසහිත බව (ස)

සමහරු පොරවල් වගේ අදහස් දාලා තියෙන්නේ.අනුන්ට මඩගහනවට වැඩිය දෙයක් නැහැ. මරණය වෙනවා දැක්කා වගේනේ කතාව (නි)

කට උත්තර ගන්න තව කට්ටිය ඉන්නවා. (ස)

ගෙදර උන්වත් විශ්වාස කරන්න බෑනෙ. (ස)

සෑම අපරාධයකම කුමක් හෝ සාක්කියක් ඉතිරි වෙනවා.ලංකාවේ පොලිසිය මෙ අපරාධයත් සොයා ගනීවි.එතෙක් ඉවසමු.(දිල්)

ලංකාවේ සෑම ඝාතනයකම පරීක්ෂණ සඳහා මෙවැනි වටිනාකමක් ලැබෙනවා නම් ඉතා හොඳයි (නි)

මේක ඉතාම පැහැදිලිය. නෝනා උඩුමහලත්, මහත්තයා පහත මහලෙත් නිදන මේ අලුත් ක්‍රමවේදය සාදාරණ සැකයක් ඇති කරන අතර පාන්දර හතරට මහත්තයා මියගිය බව නෝනා දැනගන්නවා. මෙහෙම වෙන්න පුළුවන් ද ? (ස)

මේ දරුවෝ දෙන්න තමා අන්තිමට තනිවෙන්නේ (ස)

මේ අපරාධ සහමුලින්ම තුරන් කළයුතුයි (නි)

මෙතන ඉන්න සමහර කීබෝඩ් වීරයෝ තමන් නොදන්නා දේවල් ප්‍රසිද්ධියෙ කියන එක අනුමත කරන්න බැහැ. රටේ පොලිසිය සහ අධිකරණය මේ දේවල් ගැන තීරණ ගනීවි.අමතක කරන්න එපා මේ ළමයින්ට පාසල් යන්න ඕනෑ සහ සමාජයට මුහුණදෙන්න ඕනෑ. (නි)

හරියට කරුණු නොදැන අපිට මොනවත් ලියන්න බැහැ. අපි ඒ ගෙදර පදිංචිවෙලා හිටියේ නැහැනේ . මේ කාරණාව මේ අහිංසක දරුවන්ටයි අනාගතයේ බලපාන්නේ. විවාහ යෝජනාවකදී වුණත් ඒ අයට අනාගතයේ මේ දේවල් බලපාන්නේ පියාගේ මරණය සැකසහිත මිනීමැරුමක් වුණ නිසා. (නි)

අනේ උඩ මහල වැඩ ඉවර නෑ... බිරිඳ නිදියගන්නෙත් පහළ මහලේ. බිරිඳට සහොදරයෝ නෑ. මම මැරුන දවසෙම මේ මහත්තය බලන්න ගිය මටත් බිරිද ෂුවර් නෑ එයා මිනිය ගේන වෙලාවේ අැඬුවෙවත් නෑ ..... බිරිඳට ගොඩක් සල්ලි තියෙනවා (බ)

අනේ මන්ද මේ සතියේ අහපු මරණ දෙකම ගෙදරින් සිදු වුනා කියල නේද කියන්නේ. දැන් මිනීමරුවෝ ඉන්නේ ගෙදරමද. ගෙදර ඉන්නත් බයයි කෙසේ වෙතතත් අපි ඔහුට නිවන් සුව පතමු...(බ)

වෙලාව රාත්‍රී 11.20, මුළු බෙකෙර් වීදියම නිශ්ශබ්දය හොර්ම්ස් මහත්තය පුටුවකට වෙලා දුම් බටේ උරමින් පැය ගානක් තිස්සේ බර කල්පනාවක. මම කියවමින් සිටි පොත පසෙකට කරලා ආලින්දයේ තිබෙන ගින්දර උධුනට දර ටිකක් දමන්න සැරසුණා පමණි, හොර්මෙස් මහත්තය දිගු නිහැඩියාව බිදලා යමක් කියන්න පටන් ගත්තා, "වට්සෝන්ට මතකද අර ලංකාවේ කහවත්තේ පහුගිය අවුරදු කිහිපයේ උන නොවිසිදුන මිනීමැරුම් පෙළ, ගිය සතියේ අයෙත් ඒ පැත්තේ කාන්තාවක් මරළලු, ඊයේ තවත් කාන්තා මිනීමැරුමක් මාදම්පේ, ඒ මදිවට පෙරේදා උපපොලිස් පරිකෂකවර්යෙක්ව මරල. වොට්සෝන් මහත්තය මට හිතා ගන්න බැහැ මේ සිද්වීම් පෙළ ගැන, සතියක් ඇතුලත මිනීමැරුම් තුනක්. තාමත් ලංකාවේ පොලිස්සිය අසමත් වෙලා තියෙනවා මේ ගැන හොයන්න.." මෙතෙක් වෙලා ඔහු කලපනා කරේ කුමක් ගැන දැය් දැන් මට වැටහුණි, හොර්ම්ස් මත්තය දැන් අපි මොකක්ද කරන්න යන්නේ? මම යලිත් පුටුවට බර වෙන ගමන් ඔහුගෙන් ඇසුවෙමි. "කරන්න යන දේ මම හෙට යන ගමන් කියන්නන්, දැන් අපි නිදා ගමු හෙට දුර ගමනක් යන්න තියනවනේ" යැයි ඔහු මට පවසා නින්දට ගියේය. මේ ගමනත් කලින් සැරේ මෙන් පගාවට බෝතෙලට යටවෙන්න බැරුව කලිකිරීමෙන් ආපසු එන්න වෙන ගමනක් වේ දැයි සිතමින් මම නින්දට වැටුණි. (බ)

කරුණාකරලා දන්නේ නැති දේවල් ලියන්න එපා ඒ දරුවන්ට සමාජයට මුණ දෙන්න බැරි කරන්න එපා (දිල්)

මම මේ නිලධාරියාව පුද්ගලිකවම දන්නවා.මේ මගේ තාත්තාගේ යාලුවෙක්.මමත් පානදුරේ.මෙයා එහෙම නරක කෙනෙක් නෙමෙයි. කොයිකාගේත් වැරදි ඇති. අපි දැනුවත්ව නම් එහෙම ප්‍රශ්නයක් තිබුණේ නැහැ. (නි)

ගෙදර කවුරුම හරි සම්බන්ධ ඇති මේ කියන විදියට (දිල්)

වොට්සන්, ඔබ ඉතා නිර්මාණශීලී කෙනෙක්. මේ සම්බන්ධයෙන් අපිට කළහැකි දෙයක් නැතිවුණත් නීතියේ මේ සම්බන්ධයෙන් ඇති අලසබව සහ සිදුවීමේ ගුප්ත බව ඔබ ඉතා හොඳින් ලියා තිබෙනවා (නි)

වොට්සන් නරකද රහස්පරික්ෂක්යෙක් උනොත්. (ස)

මට මතකයි දැනට අවුරුදු 15 කට 20 කට කලින් පානදුරේ බස් ස්ටෑන්ඩ් එකේ තිබ්බ සංගීත සංදර්ශනයකදිත් මේවගේම කඩු ප්‍රහාරයකට ලක් උනා මොහු ඒ තරම් හොද නිලධාරියෙකුත් නෙවෙයි (බ)

දැන් බලනකොට ගෙදර ඉන්නත් බයයිනේ (නි)

මේ වගේ දේවල් ප්‍රශ්නාර්ථයක් සහිතව ඉතුරුවීමෙන් අහිංසක දරුවන්ට සහ නි‍ර්දෝෂී අයට ලොකු ප්‍රශ්නයක් වෙනවා (නි)

තමාගෙන් සිදුවුණ බරපතල අත්වැරැද්දක් ගැන පසුතැවෙන කෙනෙක් මෙතන ඉන්නවා වෙන්න පුලුවන් (නි)

අපි අපි අපේ වැඩක් බලාගත්තොත් නේද හොඳ? (නි)

හොද මනුස්සයෙක් , ඒ බව මම හොදටම දන්නවා.ඔබට නිවන් සුව දයාබර අය්යේ (ස)