(නිමල කොඩිතුවක්කු)
එක්සත් ජාතික පක්ෂයේ අනාගත දේශපාලන කටයුතු මෙහෙයවන නායකයින් හඳුන්වා දීමේ වැඩපිළිවෙළ ජනවාරි මාසයේ ආරම්භ කෙරේ.
එක්සත් ජාතික පක්ෂයේ නායක හිටපු අග්රාමාත්ය රනිල් වික්රමසිංහ මහතා දුන් උපදෙස් මත උතුරු නැගෙනහිර ඇතුළු දිවයිනේ සෑම මැතිවරණ කොට්ඨාසයක්ම ආවරණය වන පරිදි තරුණ නායකයින් ප්රකාශයට පත් කරන බව එජාප මහලේකම් රංගේ බණ්ඩාර මහතා පැවසීය.
පශ්චාත් කොවීඩ් සමයට ගැලපෙන ආකාරයෙන් සහ නූතන සමාජ ජාලා ප්රචාරක ව්යාපාර වලට සමගාමීව තරුණ දේශපාලන නායකයන් හඳුනාගැනීම එජාප නියෝජ්ය නායක රුවන් විජේවර්ධන සභාපති වචන අබේවර්ධන මහලේකම් රංගේ බණ්ඩාර, උපනායක අකිල විරාජ් කාරියවසම් යන මහත්වරුන්ගේ ප්රධානත්වයෙන් යුත් කමිටුව විසින් සිදුකරනු ලබයි.
විශේෂයෙන් අනාගත දේශපාලනයේ ප්රමුඛතම ප්රචාරණ මාධ්ය වන සමාජ ජාල උපරිම වශයෙන් යොදා ගැනීමට හැකි තරුණ නායකත්වයන් කෙරෙහි ඉහත කමිටුවේ වැඩි අවධානයක් යොමුවී තිබිණ.
එක්සත් ජාතික පක්ෂය හඳුන්වා දෙන තරුණ නායකයින් ජනවාරි මාසයේ සිටම පක්ෂ දේශපාලන කටයුතු ආරම්භ කිරීමට නියමිතය.
COMMENTS
Reply To:
Sisira - cb chds hcdsh cdshcsdchdhd
ඔලුබක්කෝ නටන්න වගේ යන්නේ...? වෙසක් කිට්ටු වෙලාම කරානම්?
රටට, දැයට ආදරය ඇති ධාර්මික තරුණ පරපුරක් සමඟ එ.ජා.ප. ය නැගී සිටිය යුතුයි... තම පක්ෂය පමණක් හිසමත තබාගෙන හොඳක් නරකක් දැකිය නොහැකිය. රටක්, ජාතියක් නැති පරපුරක් නම් මේ රටට විපතකි...
එක්සත් ජාතික පක්ෂයේ අනාගත දේශපාලන කටයුතු මෙහෙයවීමට බලාපොරොත්තු වන තරුණ නායකයින් මාධ්යයට පැමිණ අදහස් ප්රකාශයට පත්කරන අවස්ථාවන්හිදී ප්රවේසම් විය යුතුවේ. පසුගිය දිනයකදී TNL මාධ්යයට දේශපාලන සකච්ඡාවක් සඳහා පැමිණි 3 දෙනෙකුගෙන් එක තරුණයකු 70 - 77 යුගය පිළිබඳව අදහස් ප්රකාශ කරන ලදී. ඔහුගේ වයස අනුව ඔහු ප්රකාශ කරන ලද එම අදහස් ඔහුට ප්රකාශ කිරීමට නොහැකියි. එයට හේතුව ඔහුගේ වයස 30ට අඩු තරුණයෙකි. ඔහුගේ දෙමාපියන් හෝ වැඩිහිටියන් 70 - 77 යුගයේ පිළිබඳව ඔහුට කියන ලද කරුණු ඔහුට ප්රකාශ කළ හැකියි. නමුත් ඔහු සියල්ල සියැසින් දැක තිබූ කෙනෙකු මෙන් අදහස් ප්රකාශ කිරීම ඔහුට අවාසියකි. යම් හෙයකින් ජනතාව ඉදිරියේදී හෝ මාධ්ය සාකච්ඡාවකදී දුරකථනයකින් කවුරුන් හෝ ඔහුගේ වාසය පිළිබඳව විමසා නොදැකපු දේවල් නොකියා සිටින මෙන් කියා සිටින්නට හැකියාවක් තිබේ. එම නිසා දුරබලා කටයුතු කිරීම සහ අදහස් ප්රකාශ කිරීම තරුණයින් හට ඉතාම වැදගත් වේ...