යළිත් වතාවක් රටේ ජාතික ආරක්ෂාවට හා ජාතික සමගියට තර්ජනයක් ඇතිවීමට කිසිවිටක ඉඩ නොතැබිය යුතු බව දෙමළ ජාතික සන්ධානයේ නායක සහ පාර්ලිමේන්තුවේ විපක්ෂ නායක ආර් සම්බන්දන් මහතා කියයි.

යාපනය චාවකච්චේරියෙන් හමු වූ පුපුරණ ද්‍රව්‍ය ගැන ආරක්ෂක අංශ පුළුල් පරික්ෂණයක් කර ඊට සම්බන්ධ පිරිසට  එරෙහිව නීතිය දැඩිව ක්‍රියාත්මක කළ යුතු බවත් ඔහු පවසයි.

උතුරේ දෙමළ ජනතාව ත්‍රස්තවාදයට අකමැති බවත්, ඔවුන් නිදහසේ ජීවත් වන බවත්, මෙවන් ක්‍රියා හේතුවෙන් දකුණේ ජනතාව හා උතුරේ ජනතාව අතර සමගිය බිඳ වැටෙන බවත්, මේවාට එරෙහව නීතිය අකුරට ක්‍රියාත්මක කළ යුතු බවත් සම්බන්දන් මහතා කියයි.

උතුරේ ත්‍රස්තවාදය හිස ඔසවන බවට පතුරුවන කතා අසත්‍ය බවත් ඔහු සඳහන් කරයි.