බලපත්‍රයක් නොමැතිව වල් අලි පැටවකු ලඟ තබා ගත්තැයි කියන හිටපු මන්ත්‍රී උඩුවේ ධම්මාලෝක හිමියනට ලන්ඩනයේ පින්කමකට සහභාගී වීම සඳහා මහාධිකරණය අද අවසර දුන්නේය.

ගමන් බලපත්‍රය සැප්තැම්බර් 13 වැනිදා අධිකරණයට බාර දෙන ලෙස මහාධිකරණ විනිසුරු නිශ්ශංක බන්දුල කරුණාරත්න මහතා අද (30) නියෝග කළේය

කවුදෝ කෙනෙකු තමන් වැඩ සිටින පොල්හේන්ගොඩ ඇලන් මැතිණියාරාමයේ ගේට්ටුව ලඟ අලි පැටියා දමා යන්නට ඇතැයි ද තමා එම පැටවා ඇති දැඩි කළැයි ද ධම්මාලෝක හිමියන් රහස් පොලිසියට කියා ඇත.

2010 වත්කම් හෙළි නොකළැයි එතෙර යාමට තහනම් කර සිටි ජොන්ස්ටන් ප්‍රනාන්දුට සැප්තැම්බර් 09 වැනි දා නඩු දිනය තෙක් රටින් බැහැරව සිටිමට කොළඹ මහාධිකරණය අද (30) අවසර දුන්නේය.