නිධන්වලින් ගත් රන් බව කියා මිනිසුන් රවටා රන් පැහැ ගැල්වූ ඊයම් කැබලි විකිණීමේ ජාවාරම අනුරාධපුරයෙන් ගම්පහටද පැමිණ ඇතැයි පොලීසිය කියයි. ගම්පහ පොලීසියෙන් උපාය දූතයන් යොදා කරන ලද වැටලීමකින් ජාවාරමට සම්බන්ධ බව කියන දෙදෙනෙකු අත්අඩංගුවට ගෙන ඇත. ඔවුන් අත්අඩංගුවට ගනු ලැබුවේ කරවිල ඇටයක හැඩයට ඇති රන් පැහැ ගැල්වූ ඊයම් දඹ රත්තරන් බව කියමින් කිලෝව රුපියල් දොලොස් ලක්ෂයකට අලෙවි කරද්දීය.