බුද්ධික සේනාධීර

ජනප්‍රියතම යොවුන් සංගීත කණ්ඩායමක් වන 'සෙන්ටිග්‍රේඩ්ස්' හි මුල් සාමාජිකයෙකු වන ඉෂාන් ලන්ත්‍රා බොහෝ දෙනාකුගේ ආදරය දිනා සිටින ජනප්‍රිය යොවුන් ගායකයෙකි. තමන්ටම ආවේණික වූ කටහඬකින් පරිපුර්ණ ඉෂාන් ස්වාධින රූපවාහිනි නාලිකාවේ විකාශය වූ 'සුළඟ' හා 'මල් දෙවැට' ටෙලි නාට්‍යයහි තේමා ගීත ගායනා කරමින් රසික ආදරය දිනා ගැනීමට සමත් විය. ඉදිරියේදී තවත් ගීත කිහිපයක් එළිදැක්වීමට සූදානමින් සිටින ඉෂාන් ඒ පිළිබඳව 'සාරවිට' අපිට මෙළෙස පැවසුවෙමු.

"මේ දවස්වල අවුරුදු කාලේ නිසා ගොඩක්ම ප්‍රසංග වේදිකාවේ තමයි ඉන්නේ. අපේ 'සෙන්ට්‍රිගේඩ්ස්' ලයිව් බැන්ඩ් එක පසුගිය දෙසැම්බර් මාසයේදී ආරම්භ කළානේ. ඉතින් බැන්ඩ් එකත් එක්ක රටපුරා ප්‍රසංග වලට මේ දිනවල සහභාගී වෙනවා. මගේ අලුත් වැඩ කිහිපයකුත් තියෙනවා ඉදිරියේදී එළිදක්වන්න. මේ ටිකේ ගොඩක් කාර්යබහුල නිසා මගේ නිර්මාණ වලට කාලයක් හොයාගන්න බැරි වුණා. අන්තිමට මගේ නිර්මාණයක් එළියට ආවේ මීට මාස දෙකකට කළින්. ඒ පියගුණ ගීතයක් විදිහට මම කරපු 'නිළඹර වාසනා' ගීතය. ඊට අමතරව අපේ 'සෙන්ටිග්‍රේඩ්ස්' කණ්ඩායමේ සාමාජිකයින් හා ප්‍රවිණ ගායක ෆිලික්ස් පෙරේරා සමග කළ 'සුළ රැල්ලලෙස හමා ඒමි' ගීතයේ රිමෙක් අපි කළා. ඕඩියෝව වගේම විඩියෝවත් තවත් දින කිහිපයකින් එළිදක්වන්න සූදානම් කරලා තියෙනවා අපි."