(යොහාන් භාසුර)

ඉන්ධන නොමැතිවීමෙන් තාප විදුලි බලාගාර 8 ක් සම්පූර්ණයෙන්ම අක්‍රීය වී ඇතැයි විදුලිබල මණ්ඩලයේ උසස් නිලධාරියෙක් පැවසීය.

කපුගස්කන්ද බලාගාර දෙක, කොළඹ වරාය පාවෙන බලාගාරය, ඇඹිලිපිටිය සහ මාතර පෞද්ගලික බලාගාර දැවිතෙල් නොමැතිව ද, කැලණිතිස්ස සහ මතුගම යන බලාගාර ද ඩීසල් නොමැතිවීමෙන් මේ වන විට සම්පූර්ණයෙන්ම අක්‍රීවී ඇති බව ද එම නිලධාරියා කීය.  

සෙසු තාප බලාගාර හයක ද ඉන්ධන ඉදිරි දින දෙක තුළ සම්පූර්ණයෙන්ම අවසන් වීමට නියමිත බවත් එසේ වුවහොත් විදුලි කප්පාදුව තව දුරටත් ඉහළ යා හැකි බවත් එම නිලධාරියා වැඩි දුරටත් සඳහන් කළේය.