( තිළිණි ද සිල්වා සහ රංජන් කටුගම්පොළ )
ඇවන්ගාඩ් සමාගමේ සභාපති නිශ්ශංක සේනාධිපති සහ විශ්රාමික යුද හමුදා මේජර් ජෙනරාල් පාලිත ප්රනාන්දු යන මහත්වරු ඉදිරිපත් කළ ප්රතිශෝධන පෙත්සමේ අතුරු නියෝගය පිළිබද තීන්දුව හා එම පෙත්සම විභාගයට ගන්නවාද ? නැත්ද යන්න ලබන 31 වන දා ප්රකාශයට පත් කරන බව අභියාචනාධිකරණය අද (17) දින නියම කළේය.
අල්ලස් හෝ දූෂණ චෝදනා විමර්ශන කොමිසම විසින් කොළඹ මහාධිකරණය හමුවේ තමන්ට එරෙහිව ගොනු කළ තිබෙන අධි චෝදනා නඩුව විභාග කිරීම අත්හිටුවීමේ අතුරු නියෝගයක් නිකුත් කරන ලෙස ඉල්ලමින් මොවුන් ප්රතිශෝධන පෙත්සම ඉදිරිපත් කර තිබිණි.
කුමුදුනී වික්රමසිංහ සහ දේවිකා අබේරත්න යන මහත්මීන්ගෙන් සමන්විත අභියාචනාධිකරණ විනිසුරු මඩුල්ලක් විසින් මෙම නියෝග ප්රකාශයට පත් කිරීමට දින නියම කරන ලදී.
"ඇවන් ගාඩ් මැරිටයිම් සර්විසස්" සමාගමට ගාලු වරාය ආසන්න මුහුදේ පාවෙන අවි ගබඩාවක් පවත්වාගෙන යාමට අවශ්ය කටයුතු ඉටු කරදීම සඳහා රක්නා ලංකා ආරක්ෂක සමාගමේ හිටපු සභාපති විශ්රාමික යුද හමුදා මේජර් ජෙනරාල් පාලිත ප්රනාන්දු මහතාට රුපියල් ලක්ෂ 355ක අල්ලසක් දුන් බවට සහ එම අල්ලස් මුදල ලබා ගත් බවට චෝදනා කරමින් තමන්ට එරෙහිව අල්ලස් කොමිසම නඩු පවරා ඇති බව ඇවන් ගාඩ් සමාගමේ සභාපති නිශ්ශංක සේනාධිපති මහතාට සහ විශ්රාමික යුද හමුදා මේජර් ජෙනරාල් පාලිත ප්රනාන්දු යන මහත්වරුන් සිය පෙත්සම් මගින් කියා සිටිති.
එම නඩුව ගොනු කිරීම සඳහා අල්ලස් කොමිසමේ කොමසාරිස්වරු තුන්දෙනාගෙන් ලිඛිත අනුමැතිය හිමි වී නොමැති බැවින් එය පවත්වාගෙන යා නොහැකි බවට පෙත්සම්කරුවන්ගේ නීතිඥවරු විසින් මූලික විරෝධතාවක් මතු කළත් එම මූලික විරෝධතා ප්රතික්ෂේප කොට එම නඩුව විභාග කිරීමට කොළඹ මහාධිකරණය විසින් තීන්දු කිරීම නීති විරෝධී බව පෙත්සම්කරුවෝ කියා සිටිති.
දේශපාලන අරමුණක් පදනම් කරගෙන තම සේවාදායකයින්ට එරෙහිව කොමිසම මෙම නඩුව ගොනු කර ඇතැයි පෙත්සම්කරුවන් වෙනුවෙන් පෙනී සිටි නීතිඥ එරාජ් ද සිල්වා මහතා අධිකරණය හමුවේ කීය.
මෙම නඩුව සම්බන්ධයෙන් මතු කළ මූලික විරෝධතාව ප්රතික්ෂේප කිරීමට මහාධිකරණය විසින් දුන් තීන්දුව නීති විරෝධී බව එම පෙත්සම්කාර නීතීඥවරයා පෙන්වා දුන්නේය .
නැගෙනහිර ඉන්දියාවට උෂ්ණාධික කාලගුණයෙන් දැඩි බලපෑමක් එල්ල වී ඇති බවත් ඉන්දියාවට බලපෑ අධික උෂ්ණත්වය හේතුවෙන් අවම වශයෙන් පුද්ගලයන් 9 දෙනකු මිය ගොස් ඇති
ජනතාවට ඉඩම් අයිතිය ලබාදීමට රජය ගත් පියවර විප්ලවයක් බව ජනාධිපති රනිල් වික්රමසිංහ මහතා පැවසීය.
ජපාන විදේශ අමාත්ය යෝකෝ කමිකාවා මහත්මිය එක් දින නිල සංචාරයක් සදහා අද දින උදෑසන කටුනායක ගුවන් තොටුපොළ වෙත පැමිණියාය .
ග්රාම නිලධාරීන් මුහුණදී සිටින ගැටලු රැසකට වහාම විසඳුම් දෙන ලෙස ඉල්ලා ලබන 6 සහ 7 දෙදින අසනීප නිවාඩු වාර්තා කිරීමේ වෘත්තිය ක්රියාමාර්ගයක් ක්රියාත්මක
ශ්රී ලංකාවේ ජනගහනය එක් ලක්ෂ හතළිස් හතර දහසකින් පමණ පහළ ගොස් ඇතැයි මහ බැංකු වාර්තාවක සඳහන් වන බව පේරාදෙණිය විශ්ව විද්යාලයේ ආර්ථික විද්යා හා සංඛ්යා
මධ්යම කදුකරයට පවතින අධික වියළි කාලගුණයත් සමග කාසල්රි සහ මවුස්සාකැලේ ජලාශවල ජල ධාරිතාව සිඝ්රයෙන් පහළ බසිමින් පවතින බව එම ජලාශයන් භාර ඉංජිනේරුවෝ පවස
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ඇවන්ගාඩ් සභාපතිගේ ප්රතිශෝධන පෙත්සමේ අතුරු නියෝගය 31 දා
අතුල Friday, 17 July 2020 02:09 PM
සාධාරණ ව්යාපාරයක් කරනවා නම් මොකටද නිස්සංක සේනාධිපති දේශපාලකයින්ට සහ ඡන්ද අපේක්ෂකයින්ට මිලියන් ගණන් වලින් සල්ලි දෙන්නේ? දුරකතන ඇමතුම් පටිගත කරන්නේ? "සරලවම හිතේ තියෙන්නේ හොරකම..."