(අජිත්ලාල් ශාන්තඋදය සහ ජයන්ත නානායක්කාර)

නගර සභාවට අයත් වාහනයකින් ගොස් පුද්ගලයෙකුට පහරදීම සම්බන්‍ධයෙන් සැකපිට ඇඹිලිපිටිය නගර සභාවේ සභාපති දිනේෂ් මධුෂංක මහතා ඇඹිලිපිටිය පොලීසිය මගින් අද (30 ) අත්අඩංගුවට ගනු ලැබී ය.

දිනේෂ් මධුශංක මහතා ශ්‍රීලංකා පොදුජන එක්සත් පෙරමුණ නියෝජනය කරයි. 

ඔහුගේ පහර කෑමට ලක්ව ඇත්තේ ජනතා විමුක්ති පෙරමුණේ සංවිධායකවරයෙක් වූ සියදේරිස් කොඩිතුවක්කු නොහොත් පුංචි අයියා යන අයයි. 

ඔහු ඇඹිලිපිටිය දිසා මහ රෝහලේ වාට්ටු අංක හතේ නේවාසිකව ප්‍රතිකාර ලබයි.

සැකකාර නගර සභා සභාපතිවරයා සිද්ධිය සම්බන්‍ධයෙන් 30දා ඇඹිලිපිටිය පොලීසියට බාර වු අවස්ථාවේ ඔහු අත්අඩංගුවට ගත් බව පොලීසිය පැවසුවේය. 

සැකකාර නගර සභා සභාපතිවරයා නගර සභාවේ වාහනයකින් තවත් පිරිසක් ද සමග පසුගිය 28දා රාත්‍රී හතත් අටත් අතර කාලයේදී ඇඹිලිපිටිය පනාමුර පාරේ එකේ කණුව ප්‍රදේශයේ දී තුවාලකරුට පහරදී ඇති බව ද පෙලීසිය සඳහන් කළේය.

සැකකරු අධිකරණයට ඉදිරිපත් කිරරීමට නියමිතය.