(රෝෂන් තුෂාර)

වැලි කැනීමේ බලපත්‍රයක් ලබාදීම  සඳහා   රුපියල් ලක්ෂ 15 අල්ලසක් ලබා ගැනීමට ආධාර අනුබල දුන්නේ යැයි ඇප මත මුදා හළ  හිටපු වෙළඳ හා පරිසර රාජ්‍ය අමාත්‍ය එස් වියලේන්ද්‍රන් මහතා ඇප කොන්දේසි සම්පූර්ණ නොකිරීම හේතුවෙන් බන්ධනාගාරයාට රැගෙන යනු  දක්නට ලැබිණි.

සිද්ධිය සම්බන්ධයෙන් පසුගිය 25 වෙනි දින අත්අඩංගුවට ගෙන අධිකරණයට ඉදිරිපත් කළ වියලේන්ද්‍රන් මහතා අද දින දක්වා රක්ෂිත බන්ධනාගාරගතව සිටි අතර සැකකරු ඇපමත මුදා හැරින ලෙසට ප්‍රධාන මහේස්ත්‍රාත්වරිය නියෝග කළාය.

රුපියල් පනස්දහසක මුදල් ඇපයක් සහ රුපියල් මිලියනය බැගින් වූ ශරීර ඇප පහක් නියම කළ ප්‍රධාන මහේස්ත්‍රාත්වරිය සැකකරුගේ විදෙස් ගමන් තහනම් කරන බවට ද නියෝග කළාය.

සැකකරු වෙනුවෙන් ඇපකරුවන් තිදෙනකු පමණක් ඉදිරිපත්කර ඇති අතර සවස් වන තෙක් ඇප කොන්දේසි සම්පූර්ණ නොකිරීම හේතුවෙන්  සැකකරු බන්ධනාගාරය ගත් වෙත රැගෙන ගිය බව දක්නට ලැබිණි.