ශ්‍රී ලංකා නිදහස් පක්ෂයේ ඇතැම් ජ්‍යෙෂ්ඨ නායකයන් සිරිකොතේ පිඟන් සෝදන්නන් බවට පත්ව ඇතැයි ගම්පහ දිස්ත්‍රික් එක්සත් ජනතා නිදහස් සන්ධානයේ මන්ත්‍රී සිසිර ජයකොඩි මහතා පැවැසීය.

මහින්ද රාජපක්ෂ ආණ්ඩු සමයේ වැරදි වැඩ කළ වැඩි පිරිසක් මේ වනවිට වත්මන් ආණ්ඩුවට සම්බන්ධ වී සිටින බව කී හෙතෙම ඔවුන් සම්බන්ධයෙන් නීතිය ක්‍රියාත්මක නොවන්නේ මන්දැයි ප්‍රශ්න කළේය.

මහින්ද රාජපක්ෂ මහතා වටේ තාමත් දූෂිතයන් සිටී නම් ඔවුන් පසෙකට කර නිසි පුද්ගලයන් ඉස්මතු කිරීමට කටයුතු කළ යුතු බවත් එය ඔහුට ඇලුම් කරන ජනතාවගේ ද යුතුකමක් බවත් මන්ත්‍රීවරයා කීවේය.