ආමි සම්පත් නමැත්තා ව්‍යාජ විදේශ ගමන් බලපත්‍රයක් භාවිතයෙන් මැයි මාසයේදී ශ්‍රී ලංකාවට පැමිණ ඇති බවත් මේ වන විට ඔහුට රටින් පිටවීම තහනම් කරමින් උසාවි නියෝගයක් ලබාගෙන ඇති බවත් පොලිස් මාධ්‍ය ප්‍රකාශක සහකාර පොලිස් අධිකාරී රුවන් ගුණසේකර මහතා අද පැවති මාධ්‍ය හමුවකදී පැවසීය.

පොලිස්පතිවරයාගේ උපදෙස් මත දේශපාලන කටයුතුවල යෙදෙන මැර කණ්ඩායම් අත් අඩංගුවට ගැනීමට කටයුතු කරන බවත් මේ වන විට මැතිවරණ නීති උල්ලංඝනය කිරීම් සම්බන්ධ වැටලීම් 197කදී සැකකරුවන් 447 ක් අත් අඩංගුවට ගෙන ඇතැයිද මාධ්‍ය ප්‍රකාශකවරයා කීවේය.