පිට ප්‍රදේශවලින් මුදලට ළමයින් ඇතුළු කර ගැනීම නිසා ප්‍රදේශයේ ළමයින්ට පාසලට ඇතුළත් වීමේ අවස්ථාව අහිමි වී ඇතැයි කියමින් කොළඹ ආනන්ද විද්‍යාලයයේ සිසුවකුගේ පියකු ගොනු කළ පැමිණිල්ලක් විභාග කිරීම සඳහා සිකුරාදා (24)  ශ්‍රී ලංකා මානව හිමිකම් කොමිසමේ  පෙනී සිටින ලෙස කොළඹ ආනන්ද විද්‍යාලයයේ විදුහල්පතිට සහ අධ්‍යාපන ලේකම්ට එම කොමිසම සිතාසි නිකුත් කළේය.

එම පාසලේ සිසුවකුගේ පියකු බව කියන එච් පී රෝහිත කුමාර මහතා එම පැමිණිල්ල ගොනු කර තිබේ.

පාසලේ පළමු ශ්‍රේණියට සිසුන් ඇතුළත් කර ගැනීමේ දී චක්‍රලේඛ උල්ලංඝණය කරමින් පාසල් සංවර්ධන සමිතියේ නොවන ගිනුමකට මුදල් බැර කරවාගෙන ඇතැයි ද එම පැමිණිල්ලේ සඳහන්ය.

මාසයක් ඇතුළත එලෙස බැරකරවාගෙන ඇති මුදල රුපියල් ලක්ෂ 119ක් පමණ බව මුදල් බැර කළ පිරිසේ නාම ලේඛණයක්  කොමිසමට ඉදිරිපත් කරමින් පැමිණිලි කරු සඳහන් කර ඇත.

වාර්ෂිත ඇස්තමේන්තු පිළියෙල කිරීමේදී රුපියල් ලක්ෂ හැට පහක් වටිනා විදුලි ජනක යන්ත්‍රයක් මිලදී ගැනීම සඳහා කූඨ ඇස්තමේන්තුවක් ඉදිරිපත් කර ඇතැයි ද පැමිණිල්ලේ සඳහන්වේ.