(හිරාන් ප්‍රියංකර ජයසිංහ)

ආණමඩුව ප්‍රාදේශීය සභාවට නව සභාපතිවරයකු තෝරාපත් කරගැනීම දින නියමයක් නොමැතිව දෙවැනිවතාවටත් කල් දැමීමට වයඹ පළාත් පාලන කොමසාරිස් සංජීවනි හේරත් මහත්මිය කටයුතු කළාය.

මැතිවරණයෙන් ජයගත් ජාතික ජනබලවේගය මන්ත්‍රිවරු නව සභාපතිවරයකු තෝරාපත් කර ගැනීමට රහස් ඡන්දයක් ඉල්ලීමත් සමග පොදු විපක්ෂයේ මන්ත්‍රිවරු ඊට විරෝධය පා කෑ කෝ ගසමින් සභාවෙන් පිටව ගියහ.

පළාත්පාලන මැතිවරණයෙන් ආණමඩුව ප්‍රාදේශීය සභාව ජාතික ජනබලවේගය දිනාගත්තද එක් පක්ෂයක්වත් සියයට 50කට වැඩි ඡන්ද ප්‍රතිශතයක් එකදු පක්ෂයක් ලබා නොගැනීම නිසා නව සභාපතිවරයකු තෝරාපත් කරගැනීම වයඹ පළාත් පාලන කොමසාරිස් සංජීවනි හේරත් මහත්මියගේ ප්‍රධානත්වයෙන් ඡන්දය පැවත්වීමට කටයුතු කර තිබුණි.

සභාව අවට දැඩි පොලිස් ආරක්ෂාවක් යොදවා තිබුණි.