නව අවුරුදු උදාව සැමරීමට, ඇමෙරිකාවේ, නිව්ඕලන්ස් ජනපදයේ, බර්බන් වීදියට එක්රොක් වූ වැසියන් පිරිසක් මැදට සුදු පැහැති පිකප් ට්‍රක් රථයක් කඩා වැදුණි. 

සිද්ධිය දුටුවන් පැවැසුවේ, ට්‍රක් රථයේ රියදුරු උමතුවෙන් මෙන්, අවුරුදු සැමරුම්වල නියැලෙමින් සිටි පුද්ගලයන් යට කරන්න වූ බවය.

පිකප් ට්‍රක් රථයට යටවීමෙන් 10 දෙනකු මියගිය බවත්, 35 දෙනකු තුවාල ලැබූ බවත් පොලිසිය පසුව පැවැසීය. තුවාල ලැබූවන් කඩිනමින් රෝහල්ගත කළ අතර, ඔවුන්ගෙන් පස් දෙනකුගේ තත්ත්වය බරපතල බව වාර්තා වේ. ඒ අනුව, මරණ සංඛ්‍යාව තවත් ඉහළ යා හැකි බව ද පැවැසෙයි.

එෆ්.බී.අයි. කාර්යාංශය ද කඩිනමින් විමර්ශන කටයුතු ආරම්භ කර ඇති අතර, ඔවුන් එය ත්‍රස්ත ප්‍රහාරයක් ලෙස හඳුන්වා දී ඇත. 
පිකප් ට්‍රක් රථය පිරිස අතරට කඩා වදිද්දී, නගරයේ ආරක්ෂාවට සිටි පොලිස් නිලධාරීහු වහා ක්‍රියාත්මක වී, රියදුරු කොටු කර ගැනීමට උත්සාහ කළහ.

බේරී යෑමට තැත් කළ රියදුරාට පොලිස් නිලධාරීන්ට වෙඩි තැබීමට පටන් ගත්තේය. රියදුරා පොලිසියට කොටු වෙද්දී, ඔහු ද පෙරළ පොලිස් නිලධාරීන්ට වෙඩි තැබූ බව පැවැසෙයි. කෙසේ නමුත්, පොලිස් නිලධාරීන්ගේ වෙඩි ප්‍රහාරයෙන් රියදුරා ජීවිතක්ෂයට පත් විය.

පිකප් රියේ තිබී අයි.එස්.අයි.එස්. ත්‍රස්තවාදීන්ගේ ධජයක්, ගිනි අවි කීපයක් සහ පුපුරන ද්‍රව්‍ය හමුවී ඇත. විමර්ශනවලට සම්බන්ධ වූ එෆ්.බී.අයි. පරීක්ෂකයන් 42 හැවිරිදි ඔහු විශ්‍රාමික ඇමෙරිකන් හමුදා සාමාජිකයකු බවය. ඔහු අයි.එස්.අයි.එස්. ත්‍රස්ත සාමාජිකයකුදැයි සෙවීමටත්, ඔහුට සහාය දුන් පුද්ගලයන් සෙවීමටත් මේ වනවිට විමර්ශන කටයුතු මේ වනවිට ආරම්භ වී ඇත.

නිව් ඕලන්ස් ත්‍රස්ත ප්‍රහාරය සම්බන්ධයෙන්, හෝම්ලෑන්ඩ් ස්වදේශ ආරක්ෂක අංශය, ජනාධිපති ජෝ බයිඩන්ට දැනුම් දුන් බව ධවල මන්දිරය නිකුත් කළ නිවේදනයක දැක්වෙයි. ප්‍රහාරය සම්බන්ධයෙන් බයිඩන් කම්පනයට පත්වුණු බව ද වාර්තා වේ. 

CNN