(ගයාන් සූරියආරච්චි )

ඇහැලියගොඩ, වියලගොඩ වත්ත ප්‍රදේශයේ දී පුද්ගලයෙකු විසින් ධාවනය කළ  ලියාපදිංචි නොකළ යතුරු පැදියකට නීතිය ක්‍රියාත්මක නොකර සිටීම සඳහා දස දහසක අල්ලසක් ගත් බව කියන පොලිස් සැරයන්වරයකුගේ සහ පොලිස් කොස්තාපල්වරයෙකුගේ වැඩ තහනම් කළ බව රත්නපුර සහකාර පොලිස් අධිකාරී කාර්යාලය පවසයි.

මෙසේ වැඩ තහනමට ලක්කර ඇත්තේ ඇහැලියගොඩ පොලිස් ස්ථානයේ රාජකාරියේ නියුතු නිලධාරීන් දෙදෙනෙකි. සිද්ධිය සම්බන්ධයෙන් රත්නපුර සහකාර පොලිස් අධිකාරී කාර්යාලය III වැඩිදුර විමර්ශන සිදුකරයි.