(සුජිත් හේවාජුලිගේ)

සියලු දෙනා එකතු කරගෙන යන ගමනක් රටට අවශ්‍ය යැයි  සමගි ජන බලවේගයේ ගම්පහ  දිස්ත්‍රික් පාර්ලිමේන්තු මන්ත්‍රී ඉන්ජිනේරු  අජිත් මාන්නප්පෙරුම මහතා පැවසීය.

නායකයා පළපුරුදු කළමනාකරුවකු විය යුතු බව ඔහු සඳහන් කළේය. සමහරුන්ගේ සුන්දර කතා වලට රැවටී රට නන්නත්තාර කරගත් බව පැවසූ මන්ත්‍රීවරයා අදත් ඔය සමහර ආපේක්ෂකයන් කියන සුන්දර කතා අහල  ඡන්දය දේවි යැයි  සිතිය නොහැකි බවද ප්‍රකාශ කළේය. ඔහු මෙසේ පැවසුවේ ගම්පහදී ඊයේ(8) පැවති ප්‍රවෘත්ති සාකච්ඡාවකදීය.

සුරංගනා කතා හැමෝටම කියන්න පුළුවන් බවත් සුරංගනා කතා යථාර්තයක් කරන්න පුළුවන් නායකයා කවුදැයි ජනතාව තේරුම් ගත යුතු බවත් මන්ත්‍රීවරයා ප්‍රකාශ කළේය. ඒ ඉලක්කයට යා හැකි කණ්ඩායමක් සිටින්නේ කාටදැයි කවුරුත් තේරුම් ගත යුතු බව අජිත් මාන්නප්පෙරුම මහතා පැවසීය.