(සුජිත් හේවාජුලිගේ සහ  අංජුල මහික වීරරත්න )

අයවැය විසර්ජන පනත් කෙටුම්පත (2022) පිළිබඳ දෙවැනි වර කියවීමේ ඡන්ද විමසීම පාර්ලිමේන්තුවේදී   හෙට  ( 22)  පස්වරු 5.00ට පැවැත්වීමට නියමිතය.

මෙම  ඡන්ද විමසීමේ අවස්ථාව සඳහා මැතිසබයේ  රැඳී සිටින ලෙස ආණ්ඩුව සහ විපක්ෂය  සියලුම මන්ත්‍රීවරුන්ට දැනුම් දී ඇත.

අයවැය විසර්ජන පනත් කෙටුම්පත  දෙවැනිවර කියවීම සඳහා මුදල් අමාත්‍ය බැසිල් රාජපක්ෂ මහතා විසින් පාර්ලිමේන්තුවට  පසුගිය 12 වැනිදා සිකුරාදා  ඉදිරිපත් කරනු ලැබීය.

ඉන්පසු  පසුගිය 13 වැනිදා සෙනසුරාදා  සිට අයවැය  දෙවැනි වර  කියවීමේ විවාදය  ආරම්භ කෙරිණ. මේ අනුව දෙවැනි වර කියවීමේ විවාදය පැවැත්වුණු දින ගණන අදට 7කි. අයවැය කාරක සභා අවස්ථාවේ විවාදය අනිද්දා ( 23) සිට ආරම්භ කෙරෙන අතර එය ලබන මස 10වැනිදා  දක්වා දින 16ක් පැවැත්වීමට නියමිතය.

අයවැය  විසර්ජන පනත් කෙටුම්පත පිළිබඳ අවසාන ඡන්ද විමසීම ලබන මස 10 වැනිදා පස්වරු 5.00ට පැවැත්වේ.