(දයාරත්න ඇඹෝගම)

අනුරාධපුර නගරයේ ස්ථාන කිහිපයක සැරි සරන ලද යාචකයන් 81 දෙනෙකු නිරෝධායනයට ලක් කිරිමට අද (08) දින පියවර ගත් බව අනුරාධපුර මහ නගර සභාවේ නාගරික කොමසාරිස් රැවන් විජේසිංහ මහතා පැවසිය.

අනුරාධපුර පුජා නගරයේ සිංහ කුළුන ආසන්නයේ රැදි සිටි යාචකයකුට කොරෝනා වයිරසය වැළදිමේ හේතුවෙන් අනුරාධපුර දිස්ත්‍රික් ලේකම් කාර්යාලය,සෙෘඛ්‍ය අංශ,පොලිසිය,යුධ හමුදාව,නගර සභාව විසින් නගරයේ යාචකයන් සියළු දෙනා නිරෝධායනයට ලක්කිරිමට මෙසේ පියවර ගෙන තිබුණි.

මෙම යාචකයන් සියළු දෙනා රඹෑව ප්‍රාදේශිය ලේකම් කොට්ඨාසයේ පරසන්ගස්වැව,කාටුපුලියන්කුලම පාසලේ රදවා දින 14 කාලයක් නිරෝධායනය කිරිමට පියවර ගන්නා බව අනුරාධපුර නගර සභාවේ ප්‍රධාන මහජන සෙෘඛ්‍ය පරික්ෂක බණ්ඩාර මහතා සදහන් කළේය.

මෙම යාචකයන් දින 14 ක් නිරෝධායනය කිරිමෙන් පසුව ඔවුන් පිසිආර් පරික්ෂණයකටද ලක්කිරිමට නියමිතය.