උතුරු නැගෙනහිර දෙමළ ජනතාවගේ අර්බුදයට විසදුම් දීම සංහිඳියාව බවත් එම විසඳුමෙන් සිංහල දේශය විනාශයට ලක් නොවන බවත් උතුරු මහ ඇමැති සී.වී. විග්නේෂ්වරන් පැවසීය.

තමන් කිසි විටක බෙදුම්වාදී අදහස් පළනොකරන බවත් එක්සත් ලංකාවක් තුළ වූ දේශපාලන විසදුමක් උතුරේ අර්බුදයට ස්ථීර දේශපාලන විසදුමක් වශයෙන් ගෙන ආ යුතු බවත් විග්නේෂ්වරන් මහතා කීවේය.

මහ ඇමතිවරයා මේ අදහස් පළ කළේ යාපනය මධ්‍ය මහා විදුහල් ක‍්‍රීඩාංගනයේදී 28 වැනි ජාතික ක‍්‍රීඩා උළෙලේ සමාරම්භක උත්සවයට එක්වෙමිනි .

 අප තරුණයින් සමඟ එක්සත් ලංකාවක ජීවත් වීමට බලාපොරොත්තු වුනා.දේශපාලන වශයෙන් එම බලාපොරොතුතු ඉටු නොවීම නිසා ආයුධ සන්නද්ධ අරගලයක් හටගත්තා මෙනිසා දහස් සංඛ්‍යාත පිරිසක් මිය ගියා.මෙම යුද්ධය කිසිවකු කැමැත්තෙන් පිළිගත්තෙ නැහැ.එහෙත් අපේ ඇස් ඉදිරිපිටම අප ජනතාව විනාශ කරන්නට කටයුතු සිදුවුණා.අපේ දෙමළ ජනතාව ඝාතනය කළා.

1958,1961,1977,1983 කාලවල සිදුවූ කෝලහාලත් විශ්ව විද්‍යාලවල අපේ ශිෂ්‍යන්ට සිදුවූ අසාධාරණ ක‍්‍රියාව නිසාත් යුද්ධයක් සිදුවන තැනට පැමිණියා.