අනුරාධපුර ගුවන් හමුදා කදවුර අසල ඩ්‍රෝන කැමරාවක් යවලා

(දයාරත්න ඇඹෝගම)

අනුරාධපුර ගුවන් හමුදා කදවුර ආසන්නයේ අනවසරයෙන් ඩ්‍රෝන කැමරාවක් ගුවන්ගත කළ කාන්තාවක් ඇතුළු පුද්ගලයන් පස් දෙනෙකු අත්අඩංගුවට ගත්බව අනුරාධපුර පොලිසිය කියයි.

මෙසේ අත්අඩංගුවට ගෙන ඇත්තේ බොරලැස්ගමුව,ගනේමුල්ල,ඉබ්බාගමුව හා හොරණ පදිංචි කාන්තාවක් හා පිරිමි පුද්ගලයන් සිව් දෙනෙකි.

අත්අඩංගුවට ගෙන ඇති මෙම පිරිස බොරලැස්ගමුව ප්‍රදේශයේ පවත්වාගෙන යන දැන්විම් ආයතනයක අයිතිකරැ හා ඔහුගේ සේවකයන් පිරිසකි.

අනුරාධපුර,තම්මැන්නාපුර විදුහලට ආධාරදිම සදහා පසුගියදා පුද්ගලික ආයතනයක් එකගතාවය පළකොට ඇතැයි පොලිසිය කියයි.

ඒ අනුව මෙම විදුහල පිළිබදව වාර්තාමය වැඩ සටහනක් නිෂ්පාදනය කරදෙන ලෙසට එම පුද්ගලික ආයතනය විසින් බොරලැස්ගමුව පිහිටි මෙම දැන්විම් ආයතනයට භාර කොට ඇති අතර ඒ අනුව ඔවුන් විසින් රැගත කිරිම් සදහා ඩ්‍රෝන කැමරාව ගුවන්ගත කොට ඇති බවද පොලිසිය සදහන් කළේය.

අනුරාධපුර ගුවන් හමුදා කදවුර ආසන්නයේ මෙම පාසල පිහිටා ඇති අතර ඩ්‍රෝන කැමරාව ගුවන් ගතකරන අවස්ථාවේදි ඒ බව ගුවන් හමුදා කදවුරේ රේඩාර් පද්ධතියේ සටහන්ව තිබුණි.ඒ අනුව ගුවන් හමුදා කදවුරේ නිලධාරින් විසින් පොලිසියට කළ දැනුම්දිම මත අනවසරයෙන් ඩ්‍රෝන කැමරාවක් ගුවන්ගත කිරිමේ චෝදනාව මත මෙම පුද්ගලයන් හා ඩ්‍රෝන කැමරාව අත්අඩංගුවට ගෙන තිබේ.

සැකකරැවන් පස් දෙනා අද(11)දින අධිකරණයට ඉදිරිපත් කිරිමට නියමිතය.

සිද්ධිය සම්බන්ධයෙන් අනුරාධපුර පොලිසිය වැඩිදුර පරික්ෂණ පවත්වති

අදහස් (10)

අනුරාධපුර ගුවන් හමුදා කදවුර අසල ඩ්‍රෝන කැමරාවක් යවලා

ලුම්බිණි Friday, 11 December 2020 08:03 AM

මේක අධිකරණයට ඉදිරිපත් කිරිමට තරම් දෙයක්ද? මේ කියන විදියට නම් වෙලා තියෙන්නේ අවවාදයක් කරලා යවන්න නේ තිබුනේ. ප්‍රසිද්ධියේ නීතිය කඩන මිනිස්සු, හොරු රට පුරාම. මේ වගේ කෙනෙක් අල්ල ගත්තම ලොකු දෙයක්.

: 12 60

RaveendraFriday, 11 December 2020 09:31 AM

ඔබගේ අදහස්වලට ගරු කරන්නෙමු.. නමුත් අදාළ කාර්යය සදහා අවසර ලබාගෙන එය ඉෂ්ඨ කරගැනුමට අවස්තාව තිබුනා නොවේද ? එලෙසම ප්‍රසිද්ධියේ නීති කඩ කරන්නේ ඒ ඒ තිරිසනුන් මිනිස් ආත්ම ලබපු තිරිසනුන් බැවිනි.. එසේ ගත්කල අපද එවන් තිරිසනුන්ගේ ඝනයට එකතුවිය යුතුද නැද්ද තීරණය කිරීම මෙය කියවන ඔබ ඇතුළු පාඨකයන් සතුය..

: 4 5

kamal Friday, 11 December 2020 09:49 AM

කදවුර ආසන්නයේම මෙම පාසල පිහිටා තිබීමෙන් සිදුවුණු දෙයක්.... මේක පැහැදිලිවම නොදැනුවත්කමින් සිදුවුණු දෙයක්. මෙය විශාල වරදක් සේ සැලකිය යුතු නොමැත.

: 3 6

සිරි Friday, 11 December 2020 02:19 PM

ඩ්‍රෝන කැමරා තියෙන අය හිතාගෙන ඉන්නෙ එයාල කැමති කැමති විදිහට තව කෙනෙකුගේ පුද්ගලිකත්වයට හානි වෙන මට්ටමට වුනත් ඒවා පාවිච්චි කරන්න පුළුවන් කියලයි. ඒවටත් නීති රීති සහ ආචාර ධර්ම තියෙනව කියලා හිතන්නෙ නැහැ. හමුදා කඳවුරක් අසල මෙහෙම දෙයක් කරන්න තරම් මෝඩද මේ මිනිස්සු...

: 1 5

hettiarachach1 Friday, 11 December 2020 09:31 PM

ඔන දෙයක් කිව්වහැකි... ඔයාලා වගේ අය ඉන්න කොට කොහොමද රටක නීතියක් ක්‍රියාවෙ යොදවන්නේ..?

: 4 4

Wca Saturday, 12 December 2020 04:33 AM

ඕක තම්බියෙක් කරානම් මෙලහකට පරීක්ෂණ කරනවා කියල බයිලා ගහල ගෙදරටත් ගිහින් දාල මෙලහකට .

: 3 7

prasanna Saturday, 12 December 2020 05:07 AM

මෙක ජාතික ආරක්ෂාවට තර්ජනයක්... අවවාද කරලා මුදා හරින්න තිබ්බ යහපාලනය වගේ පිස්සු පාලකයෝ හිටියා නම්.. පාස්කු ප්‍රහාරය දැක්කේ නැහැ.. වගේ මෙ මිනිස්සු කරන්නේ...

: 5 5

රට වැසියා Saturday, 12 December 2020 05:30 AM

අපි තවම හැකිලුන රටක, මේ වගේ ආකල්ප සහ පුහු දැනුම නිසා තමයි අපට කවදාවත් ඉදිරියට යන්න බැරි. මෙවගේ දේවල් වලින් රටේ ජාතික ආරක්ෂාවට මොකක්ද වෙන තර්ජනය? කාට හරි ආරක්ෂාවට තර්ජනයක් එල්ල කරන්න අවශ්‍ය නම් මේ විදියට සෙල්ලම් බඩුවක් පාවිච්චි කරන්න ඕනද? වෙනත් රටකට අපි ගැන ඔත්තු බලන්න ඕන නම් මේ වගේ සෙල්ලම් බඩු රටට එවන්නේ නැ! - අපේ රටට පය තියෙන්නේවත් නැතුව තොරතුරු ගන්න පුලුවන් අන්තිම දශමයට ගනන් හදලා, ලෝකය ඩ්‍රෝන යුගයට දියුණු වුනත් අපි ආකල්ප, දැනුම අතින් තවම ඉන්නේ ගල් යුගයටත් එහා යුගයක...

: 5 9

නුවන් Saturday, 12 December 2020 12:03 PM

බ්‍රිතාන්‍යයේ ගුවන් තොටුපළ අසල මේ කුඩා ඩ්‍රෝන යැවීම නිසා ඇතිවු ප්‍රශ්න නිසා දැන් ඩ්‍රෝන යානා යැවීමට ලයිසන් ගන්න ඕන. මේ නීති ලගදි ආපූවා.

: 0 3

Kuma Saturday, 12 December 2020 03:11 PM

ගූග්ල් ආයතනයේ ලොක්කන් අත්අඩංගුවට ගන්න. ගූග්ල් මැප් මගින් ජායාරූප ලබාගෙන ඇති නිසා

: 2 2

ඔබේ අදහස් එවන්න

එසැණ පුවත්

ඉන්ධන මිල පහළට

2025 අප්‍රේල් මස 30 828 0

පෙට්‍රල් සහ ඩීසල් ඇතුළු සියලුම ඉන්ධන වර්ගවල මිල අද (30) මධ්‍යම රාත්‍රීයේ සිට පහළ දැමූ බව ලංකා ඛනිජ තෙල් නීතිගත සංස්ථාව මීට සුළු මොහොතකට පෙර නිවේදනය කළේය.

වැඩි මිලට වතුර වික්කාට ලක්ෂයක් දඩ

2025 අප්‍රේල් මස 30 560 0

පාලන මිලට වඩා වැඩි මිලකට වතුර බෝතලයක් විකිණීමේ චෝදනාවට වරදකරු කළ පුද්ගලයකුට රුපියල් ලක්ෂයක දඩයක් කොළඹ අතිරේක මහේස්ත්‍රාත් පවිත්‍රා සංජීවනි පතිරාජ ම

මාර්ග ආරක්ෂාව රකින්න ජාතික සැලැස්මක්

2025 අප්‍රේල් මස 30 325 0

ශ්‍රී ලංකාවේ මාර්ග ආරක්ෂාව තහවුරු කිරීම සඳහා ජාතික මට්ටමේ සැලැස්මක් සකස් කිරීමට රජය තීරණය කර තිබේ.ශ්‍රී ලංකාවේ මාර්ග ආරක්ෂාව තහවුරු කිරීම සඳහා ජාතික

ලාෆ් ගෑස් මිල වෙනස් නොවේ

2025 අප්‍රේල් මස 30 340 0

ලාෆ් ගෘහස්ථ ගෑස් මිල සංශෝධනය නොවන බව ලාෆ් සමාගමේ අධ්‍යක්ෂ ආචාර්ය නිරෝෂන් ජේ. පීරිස් මහතා පැවසීය.

මැයි රැළියට බස් 5,532 ක්

2025 අප්‍රේල් මස 30 841 0

ලෝක කම්කරු දින ජාතික ජනබලවේග පක්ෂයේ මැයි රැළිය සදහා දිවයින පුරා බස් රථ 5,532 ක් පමණ කොළඹ ගාලු මුවදොරට පැමිණෙන බවට එම පක්ෂයේ මධ්‍යම කාරක සභාව දැනුම්දී ඇති බ

කෝටියක කුඩු සමඟ අයෙක් මාට්ටු

2025 අප්‍රේල් මස 30 404 0

රුපියල් කෝටියකට ආසන්න වටිනා මත්ද්‍රව්‍ය තොගයක් සමඟ පුද්ගලයෙකු වැල්ලම්පිටිය ප්‍රදේශයේදී අත්අඩංගුවට ගත් බව නුගේගොඩ කොට්ඨාස අපරාධ විමර්ශන අංශය කියය