ශ්‍රී ලංකා ආධුනික බොක්සිං සංගමය සංවිධානය කළ අන්තර් මධ්‍ය බොක්සිං තරගාවලියේ (2011) දක්‍ෂතම කී‍්‍රඩකයා ලෙස මහනුවර විද්‍යාර්ථ විදුහලේ විශ්ව රංගන හේරත් ද, දක්‍ෂතම ක‍්‍රීඩිකාව ලෙස මාස් සදර්න් ක‍්‍රීඩා සමාජයේ කේෂානී හංසිකා ද සම්මාන ලැබුහ. කොළඹ සුගතදාස ගෘහස්ථ කී‍්‍රඩාංගණයේදී පැවැති මෙම තරගාවලියේදී බර පංතිවලින් ශූරතාව සහ අනුශූරතාව දිනා ගත් ක‍්‍රීඩක ක‍්‍රීඩිකාවන්ට ජාතික ශූරතාවලිය ඇතුළු බොක්සිං සංගමය මෙහෙයවන ප‍්‍රධානතම තරගවලට සහභාගිවීමේ අවස්ථාව හිමිවේ. කිලෝග‍්‍රෑම් 52 ෆ්ලයි බර පංතියෙන් තරග කළ ඞී. ආර්. හේරත් එහි අවසන් තරගයේදී ස්ලිම්ලයින් ක‍්‍රීඩා සමාජයේ ඒ. එස්. වික‍්‍රමගේ පරදවා ලකුණු 7-5 ක ජයක් ලැබීය. කිලෝග‍්‍රෑම් 57 ෆෙදර් බර පංතියේ (කාන්තා) අවසන් තරගයේදී ලීනියා ක‍්‍රීඩා සමාජයේ අයි. එච්. රණතුංග ලකුණු 16/7 කින් පරදවා හංසිකා විශිෂ්ට ජයක් ලබා ගත්තාය. යුද හමුදාවේ එම්. ඞී. ජයරංග දක්‍ෂතම පරාජිත ක‍්‍රීඩකයා ලෙස ද, යුද හමුදාවේම ක‍්‍රීඩිකා එච්. එස්. ප‍්‍රියදර්ශනී දක්‍ෂතම පරාජිත ක‍්‍රීඩිකාව ලෙස ද එහිදී තේරීපත් වුහ. පිරිමි හා කාන්තා අංශ දෙකින්ම පැවැති මෙම තරගාවලියට වයස 17-34 අතර වයසේ පසුවන ක‍්‍රීඩක ක‍්‍රීඩිකාවෝ 165 දෙනෙක් සහභාගි වුහ.