(යොහාන් භාසුර)
කටුනායක සිට මත්තල දක්වා කිලෝමීටර් 254ක දුරින් යුත් අධිවේගී මාර්ගයේ එක සැපයුම් මධ්යස්ථානයක් පමණක් පැවතීම හේතුවෙන් රියදුරන්ට අධික වෙහෙසට පත්වුවත් විවේක ගැනීම සඳහා වෙනත් ස්ථාන නොමැතිවීම අධිවේගී මාර්ගයේ අනතුරුවලට හේතුවක් ලෙස හදුනාගෙන තිබේ.
සෞඛ්ය අමාත්යාංශයේ මාර්ග අනතුරු පිළිබඳ තාක්ෂණික කමිටුවට අදාළ යෝජනා ඉදිරිපත් කර ඇති බව බෝ නොවන රෝග ඒකකයේ අනතුරු වැළැක්වීම හා නිවාරණ අංශය පවසයි.
රියදුරන්ට විවේකගැනීම සඳහා ස්ථානයක් නොමැතිවීම බරපතළ කාරණයක් බවට පත්ව ඇති බවත් අවම වශයෙන් කිලෝමීටර 50 කට හෝ විවේකගන්නා ස්ථානයක් බැගින් ස්ථාපනය කර තිබීම වඩාත් වැදගත් බවත් අධිවේගී මාර්ගවල පමණක් නොව වෙනත් මාර්ගවල ද රජයෙන් නඩත්තු කරන විවේකගන්නා ස්ථාන ස්ථාපිත කළ යුතු බවත් අනතුරු වැළැක්වීම හා නිවාරණ අංශය සඳහන් කරයි.
අධිවේගී මාර්ගයේ රථවාහනවල ගැටලු පමණක්ම නොව පුද්ගල ගැටලු මෙන්ම රියදුරන්ගේ වැටලු ද පවතින බවත් නිදිමත, වෙහෙස මෙන්ම මාර්ගයේ පවතින මීදුම් සහිත තත්වය සහ වෙනත් බාහිර කරුණු රියදුරන් මුහුණපාන තවත් අපහසුතා බව හෙළිවී තිබේ.
COMMENTS
අධික වේගය පාලනය කරගත යුතුයි. ඒ වගේම විනයගරුක රියැදුරෙකු විය යුතුයි. ඉස්සර කරන්න පෙර දෙවරක්ම හිතන්න. නිතරම මිරර් වලින් බලන්න. වටපිටාව ගැන අවධානය යොමුවිය යුතුයි.
මේ හේතු ගොඩක් දුරට ඇත්ත වුනත් මිනිස්සුන්ගේ ඔලුවේ තියෙන උද්දච්ච කමයි චන්ඩිකමයි අයින් කර ගත්තොත් ගොඩක් ජීවිත බේරගන්න පුළුවන්. ලංකාවේ සත්තුන්ට තියෙන ආදරේ මිනිස්සු ගැන නැති එකයි මේවට හේතුව. බලන්න අලියෙක් මැරුණම තියෙන දුක දවසට දල වශයෙන් 8-10 විතර මැරෙන මිනිස්සු ගැන නැහනේ. විශේෂයෙන්ම මිනිස්සු නීතියට බය නැතිකමත් තව හේතුවක්. මොකද මේ දියුණු රටවල නැති වේගයක්ද ඔහේ තියෙන්නේ. නීති ගරුක වෙන තරමට තත්වය හොඳවේවි. නීතියත් හැමෝටම හරියට ක්රියාත්මකවුනොත් අනතුරු ගොඩක් වලක්වා ගන්න පුළුවන්
මම මෙච්චර කල් හිතන් හිටියේ අධිවේගයේ අනතුරු වෙන්නේ වාහන යන හින්දා කියලා...
නින්ද යන රියැදුරන් මේස හැඳි එකක් දමා තද කෝපි කෝප්පයක් බොන්න. සමහරුන්ට දෙහි යුෂත් හරි. අත්දුටුයි..!
ආයේමත් වැරැදි කොනෙන් අල්ලා ගැනීම, පැය දෙකක් වැඩිම වුණොත් යන්නේ අධිවේග මාර්ගය සම්පූර්ණයෙන් ගමන් කරන්න. ඉතින් මේකේ අවුල සැපයුම් මධ්යස්ථාන නැති එක නොවේ. අපරීක්ෂාකාරී රිය ධාවනයයි...
රෙස්ට් එරියා ඕනෑ තමයි... ඒත් ප්රධාන හේතුව පාර දෙපැත්තේ හදිසි අවස්ථාවක නවත්වන්න තියෙන මන්තීරුව නැතිකම එක අහන්න ඕනෑ මහින්දගෙන් තමයි. හදිසියකට නවත්තන්න තිබ්බ මන් තීරුවේ සල්ලි ගසා කෑවා. දැන් මිනිස්සු මැරෙනවා හැමදාම..!
නිදිමත නම් විනාඩි පහක් හෝ නිදාගැනීම හැර නිදිමතට විසඳුමක් නැහැ... ඒකට විවේකය අවශ්යයි. අපේ රටේ ඉඩ තියෙන හැමතැනම වගේම අධිවේගයෙත් ඉඩ තියෙන තැන් පොලිස් වාහනවලට පමණක් කියලා ගහලා තියෙන නිසා ආමාරුම කෙනෙක් වුණත් ඒවායේ නතර නොකර යනවා ඇති, තවත් හේතුවක් හෙමින් යන වාහනවල පසුපස අඳුරේ තැබීම කලු පාටට දිස්වීම, කනාමැදිරි ගාම්පු පහතින් සවිකර ගැටීම, තව එකක් වමේ යන කෙනා මැද සුදු ඉරේම යාම නිසා ඉස්සර කරන කෙනාට රිංගා යෑමට සිදුවීම, කොටින්ම ආත්මාර්ථකාමී රිය දුවනවා..
පාරේ යොදා ඇති තාර මිශ්රණය එම වේගයට උෂ්ණත්වයට සහ කාලගුණයට සුදුසුදැන් බලන්න...
කිමි 50 න් 50 ට සේවා ස්ථාන හදන්න? මොලේ අමාරු තියන කවුරුහරි තමයි ඔය වගේ යෝජනා ගේන්නේ. ලෝකයේ මොනම රටකවත් ඔය විධියට සේවා ස්ථාන හදන්නේ නැහැ. අධිවේග මාර්ගය හදලා ඉවර වුණාට පස්සේ එක එක මෝඩ අදහස් පලකරනවා. රියැදුරාට තේරුම් ගන්න හැකියාව තිබිය යුතුයි. අපහසුවකින් තොරව තමන්ට වාහනය පදවන්න පුළුවන්ද කියලා. බැරි නම් ළඟම එක්සිට් එකෙන් එළියට ඇවිත්, ටිකක් විවේක අරගත යුතුයි.
හෙඩ් ලයිට් දාගෙන යන්න එපා රෑට. ඉස්සරහින් ඉන්න වාහනේටත්, අනිත් පැත්තෙන් එන වාහනවලටත් අමාරුයි.
හෙමින් ගියා නම් අනතුරු අඩුයි.