(අංජුල මහික වීරරත්න සහ සුජිත් හේවාජුලිගේ)

අධ්‍යාපන ප්‍රතිසංස්කරණ ගෙනාවේ ආවාට ගියාට නොව සමාජයේ සියලු පාර්ශව සමග සාකච්ඡා කිරීමෙන් අනතුරුව බව කොළඹ දිස්ත්‍රික් මන්ත්‍රිනී සමන්මලී ගුණසිංහ මහත්මිය:-(ජා.ජ.බ)

පාර්ලිමේන්තුවේදී කීවාය.

"ජාතික ජන බලවේගය අධ්‍යාපනය පිළිබඳ සංවාදය ගත්තේ වසර ගණනාවකට පෙර සිටයි.අප මේ පිළිබඳව ග්‍රාමීය මට්ටමින් ජනතාව සමඟ සංවාද කළා.එමෙන්ම වෘත්තීය සමිති මට්ටමින් සංවාද කළා.අධ්‍යාපනයේදීන් මෙන්ම විවිධ ක්ෂේත්‍රවල නිපුණතා තිබෙන පුද්ගලයන් සමඟ සංවාද කළා.ගුරුවරුන් -මව්පියන් සමඟ සාකච්ඡා කළා.වසර ගණනාවක් මෙලෙස ගෙනගිය  සංවාදයේ ප්‍රතිඵලයක් ලෙස පොහොසත් රටක් ලස්සන ජීවිතයක් ප්‍රතිපත්ති ප්‍රකාශයට අධ්‍යාපන ප්‍රතිසංස්කරණ යෝජනා ඇතුළත් කළා.සියලු බාධා මැද මේ ප්‍රතිසංස්කරණ මේ වසරේදී  අරඹන්නට අපට හැකියාව ලැබුණා.හැබැයි මේ ක්‍රියාවලිය ඇරඹූයේ මීට වසර ගණනාවකට පෙරයි.මේ ක්‍රියාවලිය යද්දී යෝජනා අදහස් අඩුපාඩු යාවත්කාලීන විය යුතුයි යනුවෙන්ද මන්ත්‍රීවරිය කීවාය.