පෝලන්තයේ ලූබ්සියානා නගර පොලිසියට ලැබුණු නිර්නාමික දුරකථන පණිවිඩයක් පසුපස හඹා ගිය පොලිසිය මීටර් හයක් උඩ ගසක් මුදුනේ රඳවා තිබූ මෝටර් රථයක් සොයා ගත්තේය. පොලිසිය දොඹකරයක් ආධාරයෙන් මෝටර් රථය බිමට ගෙන පරීක්ෂණ ඇරැඹීය. පෝර්ඞ් එස්කෝට් මෝටර් රථය ලූබ්සියානා නගරයේ ජීවත්වන 24 හැවිරිදි තරුණයකුගේය. දිනපතා ඔහු අධික වේගයෙන් අපරික්ෂාකාරීව රිය පැදවීමට විරෝධය පළකළ නගරවාසීන් පිරිසක් නිවස ඉදිරිපිට නවතා තිබූ රිය දොඹකරයක් මගින් ගස උඩ රඳවා ඇත. ලූබ්සියානා නගරයේ පුවත්පත් පවසනුයේ මෙම සිදුවීමත් සමග එම තරුණයා නීතිගරුක රියදුරකු වීමට පොරොන්දු වූ වගයි.