මේ මස අවසන් සතියේදී ආරම්භ වන ශී‍්‍ර ලංකා කණ්ඩායමේ බටහිර ඉන්දීය සංචාරය සඳහා අජන්ත මෙන්ඩිස් කැඳවා තිබේ.

පාදයේ ආබාධයක් හේතුවෙන් තිලකරත්න ඩිල්ෂාන් මෙම සංචාරයට එක් නොවන අතර ඩිල්ෂාන් වෙනුවෙන් ආරම්භක පිතිකරුවාගේ ස්ථානය සඳහා උපුල් තරංග කැඳවා තිබේ.

ශූරයන්ගේ කුසලාන තරගාවලියේදී ශී‍්‍ර ලංකා කණ්ඩායමට එක් වුවද එකම තරගයක් හෝ කී‍්‍රඩා කළ නොහැකිවූ හෙයින් දිල්හාර ලොකුහෙට්ටිගේට කොදෙව් සංචාරයේදීත් අවස්ථාව ලැබී තිබේ. තුන්ඉරියව් කී‍්‍රඩක තිසර පෙරේරාට කණ්ඩායමේ ස්ථානය අහිමි වී තිබේ.

 

බටහිර ඉන්දීය සංචාරය සඳහා නම්කරන ලද ශී‍්‍ර ලංකා කණ්ඩායම

ඇන්ජලෝ මැතිව්ස් (නායක), කුසල් ජනිත් පෙරේරා, උපුල් තරංග, කුමාර් සංගක්කාර මහේල ජයවර්ධන, දිනේෂ් චන්දිමාල්, ළහිරු තිරිමාන්න, ජීවන් මෙන්ඩිස්, ලසිත් මාලිංග, ෂමින්ද එරංග, නුවන් කුලසේකර, දිල්හාර ලොකුහෙට්ටිගේ, රංගන හේරත්, සචිත‍්‍ර සේනානායක සහ අජන්ත මෙන්ඩිස්