(සුජිත් හේවාජුලිගේ සහ අංජුල මහික වීරරත්න)

අගමැති මහින්ද රාජපක්ෂ මහතා එම තනතුරින් ඉවත්වීමේ කිසිදු තීරණයක් ගෙන නැතැයි සභානායක අමාත්‍ය දිනේෂ් ගුණවර්ධන මහතා පැවසීය.

රටේ ආර්ථික තත්වය සහ අනෙකුත් දේවල් සම්බන්ධයෙන් අගමැතිවරයා අද(5) හෝ හෙට (6) ප්‍රකාශයක් කරනු ඇතැයිද ඔහු සඳහන් කළේය.

ගුණවර්ධන මහතා මෙසේ පැවසුවේ පාර්ලිමේන්තු පරිශ්‍රයේදී මාධ්‍යවේදීන් කළ විමසුමකදීය.

ජනාධිපතිවරයාට එරෙහිව විශ්වාසභංගයක් ඉදිරිපත් කිරීමට ව්‍යවස්ථානුකූලව හැකියාවක් ඇත්ද යන්න ගැන කතානායකවරයා තීන්දු කරනු ඇතැයි පැවසූ ගුණවර්ධන මහතා පක්ෂ නායක රැස්වීමේදී ඒ ගැන වැඩිදුරටත් සාකච්ඡා කිරීමට නියමිතව ඇතැයිද සඳහන් කළේය.

ඕනෑම විශ්වාසභංග යෝජනාවට ආණ්ඩුව සූදානම් බවත් ආණ්ඩුව ආරක්ෂා කිරීමට සියලුම මන්ත්‍රීවරුන් කැපවී සිටින බවත් සභානායකවරයා වැඩිදුරටත් පැවසීය.