එසැණ පුවත්

පොලිස්පති ආරක්ෂාව තර කිරීමට පියවර ගනී

පාර්ලිමේන්තුව විසිරුවාලමින් ජනාධිපතිවරයා විසින් නිකුත් කරන ලද ගැසට් නිවේදනය ශ්‍රේෂ්ඨාධිකරණයෙන් තාවකාලිකව අත්හිටුවීමෙන් පසු යම් යම් පිරිස් කඩාකප්පල්කාරී ක්‍රියාවන් සිදු කිරීමට ඉඩ ඇති බැවින් සෑම පොලිස් බලප්‍රදේශයකම ආරක්ෂාව තර කරන ලෙස පොලිස්පති පූජිත් ජයසුන්දර මහතා අද (13) රාත්‍රී උසස් පොලිස් නිලධාරීන්ට සහ දිවයිනේ සියලුම පොලිස් ස්ථානවලට උපදෙස් ලබා දුන්නේය.

13 November 2018

හෙට 10ට පාර්ලිමේන්තුව රැස්වේ

ජනාධිපතිවරයා විසින් වාරාවසානය කරනු ලැබ තිබූ පාර්ලිමේන්තුව යළි හෙට උදේ 10ට රැස්වන බව කතානායකවරයා මන්ත්‍රීවරුන්ට දැනුම් දී තිබේ.

13 November 2018

නඩුව අවසන් නෑ - එනිසා තවම කාටවත් ජයක් නෑ

නඩුවක් විභාගයට ගැනීමට නියම කරද්දී අතුරු තහනම නියෝග ලබා දීම සාමාන්‍ය සිදුවීමක් බවත්, නඩු විභාගය අවසන්ව නැති නිසා තවම කිසිවකුට ජයග්‍රහණයක් ලැබී නැති බවත් වෙළඳ, පාරිබෝගික, සමූපාකාර සහ ක්‍රිස්තියානි කටයුතු ඇමැති ජොන්ස්ටන් ප්‍රනාන්දු මහතා පැවසීය.

13 November 2018

‘ව්‍යවස්ථාවට පයින් ගසා දමන්න බැරි බව ඔප්පු වුණා’

ව්‍යවස්ථාවට පයින් ගසා පැත්තකට දමන්නට නොහැකි බව ශ්‍රේෂ්ඨාධිකරණය හමුවේ ඔප්පු වූ බව එක්සත් ජාතික පෙරමුණේ නායක රනිල් වික්‍රමසිංහ මහතා කොළඹ අරලිය ගහ මන්දිරයේදී විශේෂ මාධ්‍ය හමුවක් පවත්වමින් අද (13) පැවැසීය.

13 November 2018

ජවිපෙ මන්ත්‍රීවරු කතානායක හමුවෙන්න යති

පාර්ලිමේන්තුව 14 වැනිදා කැඳවීමට නිකුත් කර තිබූ ගැසට් පත්‍රය වහාම ක්‍රියාක්මත කරන්නැයි ඉල්ලා සිටිමට තම පක්ෂයේ මන්ත්‍රී කණ්ඩායම අද (13) රාත්‍රියේම කථානායක හමුවට යන බව ජනතා විමුක්ති පෙරමුණේ ප්‍රචාරක ලේකම් විජිත හේරත් මහතා ලංකාදීපයට පැවසීය.

13 November 2018

නාමල් කුමාරගේ නිවසේදී අත්අඩංගුවට ගත් ඉන්දියන් ජාතිකයා රිමාන්ඩ්

ජනාධිපති මෛත්‍රීපාල සිරිසේන , හිටපු ආරක්ෂක ලේකම් ඝෝඨාභය රාජපක්ෂ යන මහත්වරු ඝාතනය කිරීමට කුමන්ත්‍රණය කළැයි කියන දුරකථන සබඳතාව හෙළි කළ නාමල් කුමාර යන අයගේ නිවසේදී අත්අඩංගුවට ගත් ඉන්දියන් ජාතිකයා ලබන 21 වැනිදා තෙක් රක්ෂිත බන්ධනාගාර ගත කරන ලෙස කොළඹ කොටුව මහෙස්ත්‍රාත් රංග දිසානායක මහතා අද (13) නියෝග කළේය.

13 November 2018

‘පරණ ගැසට්ටුව ක්‍රියාත්මක කරන්න ඕනෑ’

පාර්ලිමේන්තුව විසිරවීමට ජනාධිපති නිකුත් කළ ගැසට්ටුව අත්හිටුවීමට ශ්‍රේෂ්ඨාධිකරණය දුන් තීන්දුව අනුව පරණ ගැසට්ටුව ක‍්‍රියාත්මක විය යුතු බවත් ඒ අනුව පාර්ලිමේන්තුව හෙට (14) කැඳවිය යුතු බවත් ජනතා විමුක්ති පෙරමුණේ ප‍්‍රධාන ලේකම් ටිල්වින් සිල්වා මහතා අද (13) පැවසීය.

13 November 2018

‘ජනපති ප්‍රකාශයේ කරුණු ගැන අල්ලස් කොමිසම පරීක්ෂණයක් කළ යුතුයි’

පාර්ලිමේන්තු මන්ත‍්‍රීවරුන් සඳහා මිල නියම කිරීම පිළිබඳව ජනාධිපති මෛත‍්‍රීපාල සිරිසේන මහතා ඉකුත් ඉරිදා කළ ප‍්‍රකාශය සම්බන්ධයෙන් අල්ලස් හෝ දූෂණ කොමිසම වහාම පියවරක් ගත යුතු යැයි ට‍්‍රාන්ස්පේරන්සි ඉන්ටර්නැෂනල් ශ්‍රී ලංකා ආයතනය පවසයි.

13 November 2018

‘‘පාර්ලිමේන්තුව රැස්වෙන්න බාධාවක් නෑ‘‘

ශ්‍රේෂ්ඨාධිකරණය ලබාදුන් අතුරුතහනම් නියෝගය මත පාර්ලිමේන්තුව හෙට (14) රැස්වීමට බාධාවක් නැතැයි එක්සත් ජාතික පක්ෂයේ පත්කළ පාර්ලිමේන්තු මන්ත්‍රී ජනාධිපති නීතිඥ ආචාර්ය ජයම්පති වික්‍රමරත්න මහතා ලංකාදීපයට පැවැසීය.

13 November 2018

පාර්ලිමේන්තුව හෙට රැස්වෙයි

පාර්ලිමේන්තුව විසිරුවමින් ජනාධිපතිවරයා නිකුත් කළ ගැසට් නිවේදනය තාවකාලිකව අත්හිටුවීමත් සමඟ හෙට යලි පාර්ලිමේන්තුව රැස්වන බව පාර්ලිමේන්තු මන්ත්‍රී ගයන්ත කරුණාතිලක මහතා පැවැසීය.

13 November 2018

අධිකරණ නියෝගයෙන් පසු කොළඹ රතිඤ්ඤා පත්තුවෙයි

පාර්ලිමේන්තුව විසිරුවමින් ජනාධිපතිවරයා නිකුත් කළ ගැසට් නිවේදනය අනුව මහමැතිවරණය පැවැත්වීම තාවකාලිකව අත්හිටුවමින් ශ්‍රේෂ්ඨාධිකරණ දුන් තීන්දුවට සතුට පළ කරමින් අධිකරණය අවට පිරිස් රතිඤ්ඤා පත්තු කරති.

13 November 2018

ජනපතිගේ ගැසට්ටුව තාවකාලිකව අත්හිටුවයි

පාර්ලිමේන්තුව විසිරුවමින් ජනාධිපතිවරයා නිකුත් කළ ගැසට් නිවේදනය දෙසැම්බර් 07 තෙක් තාවකාලික අත්හිටුවමින් ශ්‍රේෂ්ඨාධිකරණ අද (13) අතුරු තහනම් නියෝගයක් නිකුත් කළේය.

13 November 2018

විමල් ඇතුළු 06 කට එරෙහිව සංශෝධිත පැමිණිල්ලක් ගොනු කිරීමට නියෝග

එක්සත් ජාතීන්ගේ සංවිධානයේ මානව හිමිකම් කොමසාරිස් අල් හුසේන් කුමරු මෙරටට පැමිණීම සම්බන්ධයෙන් උද්ඝෝෂණයේ යෙදී මහජනයාට හිරිහැරයක් කළැයි කියන සිද්ධියට අදාළව පාර්ලිමේන්තු මන්තී‍්‍ර විමල් වීරවංශ මහතා ඇතුලූ සැකකරුවන් 06 කට එරෙහිව සංශෝධිත පැමිණල්ලක් ගොනුකිරීමට කොළඹ ප‍්‍රධාන මහේස්ත‍්‍රාත් ලංකා ජයරත්න මෙනෙවිය කුරුදුවත්ත පොලීසිය වෙත නියෝග කළාය.

13 November 2018

ස්වාධීන කණ්ඩායම්වලින් ඇප මුදල් භාර ගැනීම ඇරැඹෙයි

ලබන වසරේ ජනවාරි 5වැනිදා පැවැත්වෙන පාර්ලිමේන්තු මැතිවරණයට තරග කිරීමට බලාපොරොත්තු වන ස්වාධීන කණ්ඩායම්වලින් ඇප මුදල් භාර ගැනීම ඊයේ(12) ආරම්භ කළ බව මැතිවරණ කොමිසන් සභාව පවසයි.

13 November 2018

ජොන්ස්ටන්ගේ නඩුවේ සාක්කි විභාගය කල්යයි

වත්කම් බැරකම් ප‍්‍රකාශ සාධාරණ හේතුවක් නොමැතිව ඉදිරිපත් නොකර සිටීමෙන් වරදක් සිදුකර ඇතැයි අල්ලස් චෝදනා ලැබ සිටින හිටපු සමූපකාර අභ්‍යන්තර වෙළෙඳ අමාත්‍ය ජොන්ස්ටන් ප‍්‍රනාන්දු මහතාට එරෙහි අල්ලස් නඩුවේ සාක්කි විභාගය ලබන දෙසැම්බර් 4 වැනි දා තෙක් කල් තැබීමට කොළඹ ප‍්‍රධාන මහෙස්ත‍්‍රාත් ලංකා ජයරත්න මෙනෙවිය අද (13) නියෝග කළාය.

13 November 2018

ශ්‍රීලන්කන් ගුවන් සමාගමට නව සභාපතිවරයෙක්

ශ්‍රී ලංකා ගුවන් සමාගමේ නව සභාපති ලෙස එහි හිටපු ප්‍රධාන විධායක නිලධාරී කපිල චන්ද්‍රසේන මහතා පත්කර තිබේ.

13 November 2018

පෙත්සම් පිළිබද තීන්දුව සවස 5 ට

ජනාධිපතිවරයා විසින් පාර්ලිමේන්තුව විසුරුවා හැරීම අභියෝගයට ලක්කරමින් ගොනුකර ඇති පෙත්සම් 13 සම්බන්ධ තීන්දුව අද සවස 5.00ට ලබාදීමට ශ්‍රේෂ්ඨාධිකරණය තීන්දු කළේය

13 November 2018

දිල්හාර ලොකුහෙට්ටිගේටත් ක්‍රිකට් දූෂණ චෝදනා

ක්‍රිකට් දූෂණ සම්බන්ධයෙන් ශ්‍රී ලංකා කණ්ඩායමේ හිටපු තුන් ඉරියව් ක්‍රීඩකයකු වන දිල්හාර ලොකුහෙට්ටිගේට චෝදනා එල්ල වී තිබේ. අන්තර්ජාතික ක්‍රිකට් සභාව විසින් ඔහුට චෝදනා එල්ල කරනු ලැබ ඇත්තේ එක්සත් අරාබි එමීර් රාජ්‍ය ක්‍රිකට් සංගමයේ දූෂණ මර්ධන නීති මාලාව කඩ කිරීම සම්බන්ධයෙනි.

13 November 2018

නාමල් කුමාර පොහොට්ටුවෙන් මැතිවරණයට

දුෂණ විරෝධි බලකායේ මෙහෙයුම් අධ්‍යක්ෂ නාමල් කුමාර මහතා මහ මැතිවරණයට ශි‍්‍ර ලංකා පොදුජන පෙරමුණෙන් දිගාමඩුල්ල දිස්ති‍්‍රකයට තරග කරන බවට වාර්තා වේ.

13 November 2018

ජපානයේ රැකියා සමඟ පදිංචියත්

ජපානයේ වෘත්තිය රැකියා සදහා යොමුවන ඉහළ මට්ටමේ කුසලතා සහිත විදේශික ශ‍්‍රමිකයින්ට ස්ථිර පදිංචිය සඳහා අවස්ථාව ලබාදීමට ජපාන රජය ගෙන ඇති තිරණය ශ්‍රී ලංකාවට ද අදාළ වන බව ශ්‍රී ලංකා විදේශ සේවා නියුක්ති කාර්යංශය කියයි.

13 November 2018

අවුන් සාන් සූකීට තවත් සම්මානයක් අහිමි වේ

මියන්මාරයේ රොහින්ජා ජනතාවට එරෙහිව සිදුවන ප්‍රචණ්ඩත්වය වෙනුවෙන් හඬ නොනැගීම හේතුවෙන් අවුන් සාන් සූකිට දුන් සම්මානය අවලංගු කරන බව ජාත්‍යන්තර ක්ෂමා සංවිධානය නිවේදනය කළේය.

13 November 2018

ලංකාව ගැන ජපානය අවධානයෙන්

පාර්ලිමේන්තුව විසුරුවීම ඇතුලු සිදුවන දේශපාලන සිද්ධිදාමය සම්බන්ධයෙන් ශ්‍රී ලංකාවේ දිගුකාලීන මිතුරෙකු හැටියට තමන් සමීප නිරීක්ෂණයක සිටින බව ජපානය පවසයි.

13 November 2018

පාර්ලිමේන්තු විසුරුවාලීමට එරෙහිව තරුණ ජනමාධ්‍යවේදීන්ගෙනුත් පෙත්සමක්

ජනාධිපති මෛත්‍රීපාල සිරිසේන මහතා පාර්ලිමේන්තුව විසුරුවා හරින බව සඳහන් කරමින් නිකුත් කළ ගැසට් නිවේදනය අවලංගු කරන්නැයි ඉල්ලා ශ්‍රී ලංකා තරුණ ජනමාධ්‍යවේදීන්ගේ සංගමය අද (13) ශ්‍රේෂ්ඨාධිකරණයට පෙත්සමක් ඉදිරිපත් කළේය.

13 November 2018

පාර්ලිමේන්තුව විසුරුවන්න ජනපතිට බලය ඇතැයි නීතීපති කියයි

ජනාධිපතිවරයා විසින් පාර්ලිමේන්තුව විසුරුවා හැරීම අභියෝගයට ලක්කරමින් ගොනුකර ඇති පෙත්සම් සියල්ල විභාගයට නොගෙන ප්‍රතික්ෂේප කරන්නැයි නීතිපති , ජනාධිපති නීතීඥ ජයන්ත ජයසූරිය මහතා සිය කරුණු ඉදිරිපත් කරමින් ශ්‍රේෂ්ඨාධිකරණය අද ( 13) ඉල්ලා සිටියේය.

13 November 2018

පොහොට්ටුවයි සන්ධානයයි එකතුවෙයි

ශ්‍රී ලංකා නිදහස් පොදුජන පෙරමුණ යටතේ ඉදිරි මහා මැතිවරණයට තරඟ කිරීමට ශ්‍රී ලංකා පොදුජන පෙරමුණ හා එක්සත් ජනතා නිදහස් සන්ධානය එකඟතාවයකට පැමිණ ඇතැයි දේශපාලන ආරංචි මාර්ග සඳහන් කරයි.

13 November 2018

ඊශ්‍රායලයට හොරෙන් ගිය ලාංකිකයන් 13 ක් හිරේට

නීතිවිරෝධී ලෙස ඊශ්‍රායලයට පැමිණි ලාංකිකයින් 13 දෙනෙකු එරට සිරගත කර ඇති අතර ඔවුන් සති දෙකක කාලයක් අයිතිවාසිකම් අහිමි කර ඇති බවට විදෙස් මාධ්‍ය වාර්තා කරයි.

13 November 2018

පාර්ලිමේන්තුව විසිරුවා හැරීමට එරෙහි පෙත්සම් දෙවැනි දිනටත් කැඳවයි

ජනාධිපතිවරයා විසින් පාර්ලිමේන්තුව විසිරුවාහැරිනු ලැබීමට එරෙහිව අධිකරණයේ ගොනු කර ඇති පෙත්සම් අද උදෑසන10ට දෙවැනි දිනටත් කැඳවනු ලැබිණි.

13 November 2018

ජර්මන් කතගේ සිරුර බලන්ගොඩ රෝහලට

සෙල්ෆි ඡායාරූපයක් ගනිද්දී අඩි හාරදහසක බෑවුමක් සහිත ලෝකාන්තයෙන් පහළ වැටුණු 35 හැවිරිදි ජර්මන් ජාතික හෙදියගේ සිරුර අද (13) බලන්ගොඩ මූලික රෝහලට ගෙනා බව සමනලවැව පොලීසිය පවසයි.

13 November 2018