එසැණ පුවත්

වතුකම්කරුවන්ට වැඩිකළ රුපියල් 50 දීමනාව ගෙවන්න මුදල් ලබාදීමට කැබිනට් අනුමැතිය

වතුකම්කරුවන් සඳහා රජයෙන් වැඩිකළ රුපියල් 50 ක දෛනික දීමනාව ගෙවීම සඳහා අවශ්‍ය මුදල් ලබාදීමට අග‍්‍රාමාත්‍ය රනිල් වික‍්‍රමසිංහ මහතා ඊයේ (30) රැස්වූ කැබිනට් රැස්වීමේදී එකඟ වූ බව සභානායක, අමාත්‍ය ලක්‍ෂ්මන් කිරිඇල්ල මහතා පාර්ලිමේන්තුවේදී අද (31) පැවැසීය.

31 July 2019

ඉන්දියාව මුස්ලිම් දික්කසාද නීතිය තහනම් කරයි

සියවස් ගණනක් පැරණි මුස්ලිම් දික්කසාද නීතිය තහනම් කරමින් ඉන්දීය පාර්ලිමේන්තුවේ ඉහළ මන්ත්‍රී මණ්ඩලය නව යෝජනාවක් සම්මත කරගත්තේය.

31 July 2019

ඉබ්බංකටුවේදී වාහන හතරක් ගැටී 5ක් රෝහලේ

ගලේවෙල දඹුල්ල ප්‍රධාන මාර්ගයේ ඉබ්බංකටුව ප්‍රදේශයේදී අද (31) පොල් කටු ප්‍රවාහනය කළ ලොරියක් ත්‍රීරෝද රථයක, මෝටර් රථයක සහ තවත් අයිස්ක්‍රීම් ප්‍රවාහන කරන ලොරි රථයක ගැටීමෙන් පුද්ගලයන් පස් දෙනෙකු තුවාල ලබා දඹුල්ල රෝහලට ඇතුළත් කර ඇතැයි ගලේවෙල පොලිසිය කියයි.

31 July 2019

‘‘අයි.එස්.අයි.එස් මර්දනයට එෆ්.බී.අයි පමණක් නොව වෙනත් බුද්ධි අංශවල සහයත් අවශ්‍යයි‘‘

ජාත්‍යන්තර ත‍්‍රස්තවාදයක් වන අයි.එස්.අයි.එස් ත‍්‍රස්තවාදය මර්දනය කිරීම සඳහා ඇමෙරිකානු එෆ්.බී.අයි ඔත්තු සේවාවේ සහයේගය පමණක් නොව වෙනත් රටවල බුද්ධි අංශයන්ගේ සහයෝගයත් අවශ්‍ය බව ආරක්‍ෂක රාජ්‍ය අමාත්‍ය රුවන් විජයවර්ධන මහතා පාර්ලිමේන්තුවේදී අද (31) පැවසීය.

31 July 2019

කොහුවල වෙඩි තැබීමට සම්බන්ධ සැකකරුවන් දෙදෙනෙක් අත්අඩංගුවට

කොහුවල ජම්බුගස්මුල්ල මාවතේදී ජීප් රථයකින් ගමන් කරමින් සිටි ව්‍යාපාරිකයින් දෙදෙනෙකුට යතුරු පැදියකින් පැමිණ වෙඩි තබා අවන්හල් හිමියෙකු ඝාතනය කර පලා ගිය සිද්ධියට සම්බන්ධ සැකකරුවන් දෙදෙනෙකු අද (31) අත්අඩංගුවට ගත් බව කොහුවල පොලිසිය පැවැසීය.

31 July 2019

හදිසි නීතිය තව මසකින් දීර්ඝ කිරීමේ යෝජනාව සම්මතයි

හදිසි නීතිය තවත් මසකින් දීර්ඝ කිරීමේ යෝජනාව වැඩි ඡන්ද 40 කින් පාර්ලිමේන්තුවේදී අද (31) සම්මත විය.

31 July 2019

සබීතා පෙරේරා හෙට ජනාධිපති කොමිසම හමුවට

කෘෂිකර්ම අමාත්‍යාංශය පවත්වාගෙන යන බත්තරමුල්ලේ පිහිටි පෞද්ගලික ගොඩනැගිල්ල පිළිබඳ ලැබී ඇති පැමිණිල්ලට අදාළව ප‍්‍රකාශයක් ලබා ගැනීමට ප‍්‍රවීණ රංගන ශිල්පිනී සබීතා පෙරේරා මහත්මිය හෙට (01) දින ජනාධිපති පරීක්ෂණ කොමිසන් සභාවේ පොලිස් ඒකකයට කැඳවා ඇති බව එම කොමිසම සඳහන් කරයි.

31 July 2019

භික්ෂූන්ට ඇති ප්‍රශ්න රන්ජන්ටයි කාදිනල්තුමාටයි කියන්න වෙලා

භික්ෂූන් වහන්සේලා තුළ ඇති අර්බුද ගැන රන්ජන් රාමනායකට හා කාදිනල් තුමාට හැර වෙන කාට කියන්න දැයි කැළණිය විශ්ව විද්‍යාලයේ සංස්කෘතික අංශයේ මහාචාර්ය ඉඳුරාගාරේ ධම්මරතන හිමියෝ අද (31) මිරිගම දී ප්‍රශ්න කළහ.

31 July 2019

ශ්‍රී ලංකාව කඩුලු 8 ට 294 යි

ශ්‍රී ලංකාව සහ බංග්ලාදේශය අතර ආර්.ප්‍රේමදාස ක්‍රිඩාංගණයේදී අද (31 වැනිදා) පැවැත්වෙන තුන්වැනි එක්දින තරගයේදී පළමුවෙන් පන්දුවට පහර දුන් ශ්‍රී ලංකා කණ්ඩායම නියමිත ඕවර 50 අවසානයේදී කඩුලු 8 ක් දැවී ලකුණු 294 ක් ලබාගත්තේය.

31 July 2019

‘‘සත්‍ය ගවේෂකයෝ‘‘ගොනු කළ පෙත්සම සලකා බලන්න අවසර

පළාත් සභා මැතිවරණය පැවැත්වීමට මැතිවරණ කොමිසමට නියෝග කරන ලෙස ඉල්ලා සත්‍ය ගවේෂකයෝ සංවිධානය ඇතුළු පිරිසක් විසින් ගොනු කර ඇති රිට් පෙත්සම් ළඟ දිනයකදී සලකා බලන ලෙස අවසර ඉල්ලා ගොනු කර තිබූ මෝසමට අද (31) ශ්‍රේෂ්ඨාධිකරණය අවසර ලබා දුන්නේය.

31 July 2019

ඇෆ්ගනිස්ථානයේ බස්රථයක් බිම් බෝම්බයකට හසුවීමෙන් 35 ක් මරුට

ඇෆ්ගනිස්ථානයේ ඉරාන දේශසීමාව ආසන්නයේ ෆාරා පළාතේ අධිවේගී මාර්ගයක අටවා තිබූ බෝම්බයක් පිපිරීමෙන් එම ස්ථානයෙන් ගමන්ගත් බස් රථයක සිටි 35 දෙනෙකු මියගොස් 27දෙනකු තුවාල ලබා ඇත.

31 July 2019

ජනපති නීතිඥවරු පත්කිරිමේ දී උපදෙස් ගන්නා බව ශ්‍රේෂ්ඨාධිකරණයට දැනුම් දෙයි

ඉදිරියේදී ජනාධිපති නීතීඥවරුන් පත් කිරීමේදී අදාළ බලධාරීන්ගේ උපදෙස් ලබා ගැනීමෙන් පසුව එම පත්කිරීම් සිදු කරන බව ජනාධිපති ලේකම් උදය ආර්.සෙනවිරත්න මහතා ලිපියක් මඟින් අද (31) ශ්‍රේෂ්ඨාධිකරණයට දැනුම් දුන්නේය.

31 July 2019

ඇසළ පෙරහරේ ආරක්ෂාවට 8000 ක්

මහනුවර ඇසළ පෙරහරේ ආරක්ෂාව වෙනුවෙන් පොලිසියේ හා ති‍්‍රවිධ හමුදාවේ 8000 අධික පිරිසක් යොදවා ඇති බව ශ්‍රී දළදා මාලිගාවේ දියවඩන නිළමේ තැන්පත් ප‍්‍රදීප් නිලංග දෑල මහතා පැවසීය.

31 July 2019

‘පාස්කු දා ප්‍රහාරයට සම්බන්ධ පිරිසක් හමුවීමට එෆ්බීඅයි නිලධාරීන් ඇවිත්‘

පාස්කුදා ප්‍රහාරයට සම්බන්ධ බවට සැකපිට ත්‍රස්ත විමර්ශන කොට්ඨාසය මගින් අත්අඩංගුවට ගෙන වැලිසර නාවුක හමුදා කඳවුරේ රඳවා සිටින මුස්ලිම් ජාතිකයින් පිරිසක් හමුවීමට ඇමෙරිකානු එෆ්.බී.අයි ඔත්තු සේවාවේ නිලධාරීන් දෙදෙනකු පැමිණ ඇතැයි එක්සත් ජනතා නිදහස් සන්ධාන කොළඹ දිස්ත්‍රික් පාර්ලිමේන්තු මන්ත්‍රී විමල් වීරවංශ මහතා පැවසීය.

31 July 2019

ඉඩම් විශේෂ විධි විධාන පනත් කෙටුම්පත ඉල්ලා අස්කරගන්නැයි කියයි

පාර්ලිමේන්තුවට ඉදිරිපත් කර ඇති රජයේ ඉඩම් විශේෂ විධි විධාන පනත් කෙටුම්පත ආණ්ඩුක්‍රම ව්‍යවස්ථාවට පටහැනි බව ශ්‍රේෂ්ඨාධිකරණය පැහැදිලිව ප්‍රකාශ කර ඇති නිසා එය පාර්ලිමේන්තු න්‍යාය පත්‍රයෙන් ඉවත් කරගත යුතු බව එක්සත් ජනතා නිදහස් සන්ධාන මන්ත්‍රී දිනේෂ් ගුණවර්ධන මහතා පාර්ලිමේන්තුවේදී අද (31) පැවසීය.

31 July 2019

‘ජනපතිවරණයට ඉදිරිපත් වන කිසිඳු අපේක්ෂකයෙක් මා හමුවෙන්න එන්න එපා’

පාස්කු ඉරිදා ප‍්‍රහාරය පිළිබඳ සොයා බැලීමට ස්වාධීන කොමිසන් සභාවක් පත්කර එම ජනතාවට යුක්තිය ඉටු නොකර එලඹෙන ජනාධිපතිවරණයට ඉදිරිපත් වන කිසිඳු අපේක්ෂකයකු තමන් මුන ගැසීමෙන් වළකින ලෙස ඉල්ලා සිටින බව මැල්කම් කාදිනල් රංජිත් කොළඹ අගරදගුරුතුමෝ පැවැසූහ.

31 July 2019

‘දළදා පෙරහර වෙනුවෙන් විශේෂ ආරක්ෂක සැලැස්මක් යොදන්න‘

මහනුවර දළදා පෙරහර පැවැත්වෙන කාල සීමාවේදී ඒ වෙනුවෙන් විශේෂ ආරක්ෂක සැලැස්මක් ක්‍රියාත්මක කරන්නැයි සභානායක ඇමති ලක්ෂ්මන් කිරිඇල්ල මහතා ආරක්ෂක රාජ්‍ය අමාත්‍යවරයාගෙන් හා ආරක්ෂක අංශ ප්‍රධානීන්ගෙන් පාර්ලිමේන්තුවේදී අද (31) ඉල්ලීමක් කළේය.

31 July 2019

ලිත් නඩුව ගැන බැසිල් ගොනු කළ පෙත්සමේ තීන්දුව කල් යයි

සුගිය ජනාධිපතිවරයේදී දිවිනැගුම සංවර්ධන අරමුදලට අයත් රුපියල් දෙකෝටි අනූ හතර ලක්ෂයක මුදලක් වැයකර හිටපු ජනාධිපති මහින්ද රාජපක්ෂ මහතාගේ රුව සහිත ලිත් ලක්ෂ පනහක් මුද්‍රණය කර බෙදා හැරීමට චෝදනා කරමින් තමන්ට එරෙහිව

31 July 2019

ටවුන්හෝල් අවට වාහන තදබදයක්

ශි‍්‍ර ලංකා නිදහස් සෞඛ්‍ය සේවා සංගමයේ විරෝධතාවක් හේතුවෙන් මරදාන , පුරහල හා අවට මාර්ගවල අධික වාහන තදබදයක් හටගෙන ඇත.

31 July 2019

පූජිත්ගේ පෙත්සම සැප්තැම්බර් 17 තෙක් කල් යයි

ජනාධිපතිවරයා විසින් තමන්ව අනිවාර්යය නිවාඩු යැවීමට ගත් තීරණය නීතිවිරෝධී යැයි ප්‍රකාශ කරන මෙන් ඉල්ලා පොලිස්පති පූජිත් ජයසුන්දර මහතා විසින් ඉදිරිපත් කර තිබෙන මූලික අයිතිවාසිකම් පෙත්සම සළකා බැලීම සැප්තැම්බර් 17 තෙක් කල් තැබීමට ශ්‍රේෂ්ඨාධිකරණය අද (31) තීන්දු කළේය.

31 July 2019

පොළොව ගිලා බැසීමෙන් නාවලපිටියේ පවුල් 5 ක් ඉවත් කරති

නාවලපිටිය පොලිස් වසමට අයත් නාවලපිටිය තෙලිස්සාගල හුණුගල්ඔය ප්‍රදේශයේ පොළොව ගිලා බැසීමේ අවදානමක් හේතුවෙන් එම ගම්මානයේ පවුල් පහකට ඉන් ඉවත්වන ලෙස ප්‍රදේශයේ ග්‍රාමසේවා නිලධාරිවරයා දැනුම් දී තිබේ.

31 July 2019

‘පාර්ලිමේන්තුව පගා ගන්නා තත්ත්වයට පත්වූයේ කෙසේදැයි සොයන්න‘

පාර්ලිමේන්තු සභා ගර්භයේ මන්ත්‍රීවරුන්ගේ මේස මත තබා ඇති ලැප්ටොප් පරිගණක ලැබී ඇත්තේ පගාවක් ලෙස නම් පාර්ලිමේන්තුව පගා ගන්නා තත්ත්වයට පත්වූයේ කෙසේද යන්න සොයා බැලිය යුතු බව කොළඹ දිස්ත්‍රික් එක්සත් ජනතා නිදහස් සන්ධාන මන්ත්‍රී විමල් වීරවංශ මහතා පාර්ලිමේන්තුවේදී අද (31) පැවසීය.

31 July 2019

කසල ආනයනය වැළැක්වීමට ගොනු කළ රිට් පෙත්සම විභාගය සැප්තැම්බරයට

ඉදිරියේදී කිසිදු විදෙස් රටකින් කසල මෙරටට ආනයනය කිරීම වළකාලන අතුරු නියෝගයක් නිකුත් කරන ලෙසද, යළිත් එරටට යැවීමට නියෝග කරන ලෙසද, ඉල්ලා පාරිසරික යුක්ති කේන්ද්‍රය ගොනු කළ රිට් පෙත්සම සැප්තැම්බර් 20 වැනිදා විභාගයට ගැනීමට අභියාචනාධිකරණය අද (31) තීන්දු කළේය.

31 July 2019

නන්පෙරියල් ගින්න නිවන්න දෙවැනි දිනටත් හෙලිකොප්ටරයක් යොදා ගනී

ලෝකාන්තයට පහළ බළන්ගොඩ නන්පෙරියල් සහ ආදරකන්ද ප‍්‍රදේශවල රක්‍ෂිතය පුරා හතරවන දිනයටත් පැතිරයන් ගින්න නිවීමට ශ‍්‍රී ලංකා ගුවන් හමුදාවේ හෙලිකොප්ටර් යානයක් අද (31) දෙවැනි දිනයටත් යොදා ගනු ලැබීය.

31 July 2019

පරෙවියන්ට ගැටී 13 ක් අත්අඩංගුවට

පරෙවියන් සම්බන්ධයෙන් කුඩා දරුවන් දෙදෙනකු අතර ඇති වූ ආරවුලක් දුරදිග යාම හේතුවෙන් දරුවන් දෙදෙනාගේ ඥාතීන් අතර සිදුවූ පහරදීමක් අතරතුර ගල් කටස් වර්ගයේ ගිනි අවියක්, කාන්තාවන් සිව්දෙනෙකු ඇතුළු 13 දෙනෙකු අත්අඩංගුවට ගත් බව තංගල්ල මූලස්ථාන පොලිසිය කියයි.

31 July 2019

‘‘නිලධාරීන් වගකීම් නිසි පරිදි ඉටු කළා නම් පාස්කු ප්‍රහාරය වළක්වා ගන්න තිබුණා‘‘

නිලධාරීන් තමන්ගේ වගකීම් නිසි පරිදි ඉටු කළා නම් නිලධාරීන් තමන් දැනුවත් කළා නම් පාස්කු ඉරිදා ත්‍රස්ත ප්‍රහාර මාලාව වළක්වා ගත හැකිව තිබූ බව ජනාධිපති මෛත්‍රීපාල සිරිසේන මහතා අද (30) පස්වරුවේ ප්‍රකාශ කළේය.

30 July 2019

පාස්කු ඉරිදා විපතට පත්වූවන්ට සහන සලසන්න ඩොලර් මිලියන පහක්

පාස්කු ඉරිදා ත්‍රස්ත ප්‍රහාරයෙන් විපතට පත්වූවන්ට සහ ඔවුන්ගේ පවුල්වල සාමාජිකයන්ට සහන සැලසීම සඳහා ශ්‍රී ලංකාවට ඇමෙරිකානු ඩොලර් මිලියන පහක මුදලක් ප්‍රදානය කරන බව ලෝක මුස්ලිම් සම්මේලනයේ මහ ලේකම් සහ ජාත්‍යන්තර මුස්ලිම් විද්වතුන්ගේ සංගමයේ සභාපති ආචාර්ය මොහොමඞ් බින් අබ්දුල් කරීම් අල්ඉසා මහතා අද (30) ප්‍රකාශ කළේය.

30 July 2019

මත්පෙති තොගයක් සමඟ පුද්ගලයෙක් අත්අඩංගුවට

රුපියල් එක් කෝටි පනස් ලක්ෂයක් වටිනා මත් පෙති තොගයක් කොළඹ මධ්‍යම තැපැල් හුවමාරුව වෙතින් රැගෙන යෑමට පැමිණි තරුණයෙකු අද (30) රේගු නිලධාරීන් පිරිසක් විසින් අත්අඩංගුවට ගෙන ඇති බව රේගු මාධ්‍ය ප්‍රකාශක අතිරේක රේගු අධ්‍යක්ෂ ජනරාල් සුනිල් ජයරත්න මහතා පැවසීය.

30 July 2019