එසැණ පුවත්

අවදානම් ප්‍රදේශ හැර අනෙක් ප්‍රදේශවල ඔසු සැල් විවෘත කෙරේ

දිවයිනේ පොලිස් ඇඳිරි නීතිය ක්‍රියාත්මක වන අවදානම් සහිත දිස්ත්‍රික්ක සහ සම්පුර්ණ නිරෝධායනයට යටත්කොට ඇති ප්‍රදේශ හැර අනෙකුත් දිස්ත්‍රික්කවල සියලු ඖෂධ සැල් පෙරවරු 9.00 සිට පස්වරු 2.00 දක්වා විවෘතව තබන බව අග්‍රාමාත්‍ය කාර්යාලය පවසයි.

10 April 2020

සහල් මිල පාලනය කරයි

සහල් සඳහා රජය උපරිම සිල්ලර මිලක් පනවනු ලැබ ඇත.

10 April 2020

එළවළු හෙට සිට රජයෙන් මිලදී ගනී

දේශීය එළවළු ගොවියා ගේ සියලුම එළවළු තොග හෙට (11 ) දින දඹුල්ල ,ගලේවෙල ,නාවුල ,ලග්ගල ,හා විල්ගමුව යන ප්‍රදේශ වලදී රජය විසින් මිලදී ගැනීමට තීරණය කළ බව රාජ්‍ය පරිපාලන ස්වදේශ කටයුතු පළාත් සභා හා පළාත් පාලන අමාත්‍ය ජනක බණ්ඩාර තෙන්නකෝන් මහතා පැවසීය .

10 April 2020

කොරෝනාවෙන් සුවය ලබා පස් දෙනෙක් ගෙදර යති

කොරෝනා වයිරසය ආසාදනය වී සිටි රෝගීන් අතුරින් තවත් 5 දෙනෙක් සුවය ලබා අද (10) සිය නිවෙස් බලා පිටත්වී ගිය බව සෞඛ්‍ය අමාත්‍යාංශය පවසයි. ඒ අනුව වයිරසය ආසාදනය වී සුවය ලබා පිටත්ව ගිය පුද්ගලයින් සංඛ්‍යාව 54 කි.

10 April 2020

නිරෝධායන මධ්‍යස්ථාන 14 ක පුද්ගලයින් 1455 ක්

දිවයින පුරා පිහිටි නිරෝධායන මධ්‍යස්ථාන 14 ක පුද්ගලයින් 1455 දෙනෙක් මේ වනවිටත් නිරෝධායනය වෙමින් සිටින බව යුද හමුදාව කියයි.

10 April 2020

ගම්පහ දිස්ත්‍රික්කයේ 15,000 ක් කොටු වෙලා

අත්‍යාවශ්‍ය හේතුන් හැර ඉදිරි සති දෙකක කාලය තුළ ගම්පහ දිස්ත්‍රික්කයට ඇතුළුවීම සහ පිටවීම සම්පුර්ණයෙන්ම අත්හිටුවීමට අද (10) පැවති ගම්පහ දිස්ත්‍රික්කයේ කොරෝනා රෝග නිවාරණය සඳහා අත්‍යාවශ්‍ය සේවා සැපයීමේ කමිටුව තීරණය කළේය.

10 April 2020

සතොස නියෝජිතයන් ගම් මට්ටමින් පත්කිරීමේ වැඩපිළිවෙලක්

අත්‍යවශ්‍ය භාණ්ඩ සඳහා රජයෙන් ලබා දුන් සහනය සෘජුවම ජනතාවට ලබා ගැනීමේ අරමුණින් සහ ඇඳරිනීතිය ඉවත් කළ පසු ජනතාව නගරවලට එකතුවීම අවම කරගැනීමේ අරමුණින් ගම් මට්ටමින් සතොස වෙළෙදසැල්වල නියෝජිතයන් පත් කිරීමේ වැඩපිළිවෙලක් ඉදිරියේදී ආරම්භ කරන බව අභ්‍යන්තර වෙළෙඳ , ආහාර සුරක්ෂිත හා පාරිභෝගික සුබ සාධන අමාත්‍ය චමල් රාජපක්ෂ මහතා පවසයි.

10 April 2020

අද කිසිඳු ආසාදිතයෙකු වාර්තා වී නෑ

මේ වනතෙක් කිසිඳු ආසාදිතයෙකු වාර්තා වී නොමැති බව සෞඛ්‍ය සේවා අධ්‍යක්ෂ ජනරාල් විශේෂඥ වෛද්‍ය අනිල් ජාසිංහ මහතා පැවසීය.

10 April 2020

ඉන්දියාවේ කොරෝනා මරණ  200 පනී

කොරෝනා වෛරසය ආසාදනයෙන් ඉන්දියාවේ මියගිය පුද්ගලයින් සංඛ්‍යාව මේ වන විට 206 ක් බවට පත්ව තිබේ.

10 April 2020

විදෙස්ගත ශ්‍රී ලාංකිකයන් තනි නොකරමු

‘කොවිඩ්-19’ වසංගතය මුළු ලෝකයටම අභියෝගයක් වී අවසන්ය. බොහෝ රටවල් ‘කොවිඩ්-19’ වසංගතය හමුවේ අන්ත අසරණ වී සිටින අවස්ථාවක ශ්‍රී ලංකාවේ අපි ද ඊට එරෙහිව සටන් වැද සිටින්නෙමු. මෙරට සිටින පුරවැසියන් ආරක්ෂා කරගැනීමට දැවැන්ත වැඩපිළිවෙළක් ක්‍රියාත්මක කරන අතරම විදෙස් ගත ශ්‍රී ලාංකිකයන් කෙරෙහිද සුවිශේෂී අවධානයක් යොමු කරමින් ඔවුන්ගේ ආරක්ෂාව වෙනුවෙන් ක්‍රියාමාර්ග රාශියක් ගැනීමට බලධාරීහු පියවර ගත්හ.

10 April 2020

ඇඳිරිය අස්සේ මත්පැන් විකුණූ 2 ක් පොලිස් දැලේ

 ඇඳිරි නීතිය පනවා තිබියෙදී නීති විරෝධී අන්දමින් මත්පැන්  අලෙවි කළ පුද්ගලයින් දෙදෙනෙකු මත්පැන් බෝතල් 15 ක් සමඟ අද (10) අත්අඩංගුවට ගත් බව බදුල්ල පොලිසිය පැවසීය.

10 April 2020

රුපියල සියයට 9.1 කින් අවප්‍රමාණය වෙයි

මේ වසරේ ජනවාරි 1 වැනිදා සිට අප්‍රේල් 9 වැනිදා දක්වා කාලයේදී ඇමෙරිකා එක්සත් ජනපද ඩොලරයට සාපේක්ෂව ශ්‍රී ලංකා රුපියල සියයට 9.1කින් අවප්‍රමාණය වී ඇත.

10 April 2020

කඩුවෙලට ගෙනා වැසිකිලි අපද්‍රව්‍ය වහාම ඉවත්කරන්න නියෝග

කඩුවෙල වෙලේ හන්දිය ආසන්නයේ පහත් බිමකට මුදාහැර ඇති වැසිකිලි අපද්‍රව්‍ය ගෙනැවිත් දැමූ සමාගම ලවා වහා ඉවත් කරවන්නැයි නුගේගොඩ ජ්‍යෙෂ්ඨ පොලිස් අධිකාරී එල් ඒ ගීතාල් මහතා විසින් නවගමුව පොලිසියට නියෝග කර ඇත.

10 April 2020

පී.සී.ආර්. පරීක්ෂණ කට්ටල 20,000 ක් චීනයෙන් එයි  

පී.සී.ආර් හෙවත් කොරෝනා වයිරස් අසාදනය සහතික කළ හැකි උපකරණ කට්ටල 20064 ක් රැගත් විශේෂ ගුවන් යානයක් අද රාත්‍රී ශ්‍රී ලංකාවට පැමිණෙන බව චීන තානාපති කාර්යාලය සඳහන් කළේය.

10 April 2020

කොරෝනා වයිරසයේ ප්‍රභේද 3 ක් ගැන පර්යේෂණයකින් තහවුරු වෙයි

මාරාන්තික කොවිඩ් - 19 වයිර‍සයේ ප්‍රභේද තුනක් ලෝකයේ පැතිරෙමින් තිබෙන බව බ්‍රිතාන්‍යයේ කේම්බ්‍රිජ් විශ්වවිද්‍යාලය කරන ලද පර්යේෂණයකින් තහවුරු වී ඇත.  

10 April 2020

කොරෝනාවෙන් ඉතාලියේ වෛද්‍යවරු 100 ක් මරුට

කොරෝනා වසංගතය හේතුවෙන් ඉතාලියේ මියගිය වෛද්‍යවරුන්ගේ සංඛ්‍යාව 100 දක්වා ඉහළ ගොස් ඇත.

10 April 2020

වන්දනාකරුවන් නැතිවත් ශ්‍රී පාදයේ තේවාවන් එලෙසම 

වන්දනාකරුවන් නොමැති වුවත් ශ්‍රී පාද උඩමළුවේ දිනකට සිව්වතාවක්  තේවාවන් සහ පුද සිරිත් පවත්වන බව ශ්‍රී පාදස්ථානාධිපති සබරගමු පළාත් ප්‍රධාන සංඝ නායක , ඌව පැල්මඩුල්ල ශ්‍රී රජමහ විහාරස්ථානයේ විහාරාධිපති  ඌව වෙල්ලස්ස විශ්ව විද්‍යාලයේ කුලපති බෙන්ගමුවේ ධම්මදින්න හිමියන් පැවසූහ.  

10 April 2020

කුරුණෑගල රෝගියා කොරෝනා ආසාදිතයකු නොවේ

කුරුණෑගල ශික්ෂණ රෝහලට ප්‍රතිකාර සඳහා පැමිණ සිටියදී කොරෝනා ආසාදිතයෙකු බවට සැක කළ රෝගියා එවැනි ආසාදිතයෙකු නොවන බවට වෛද්‍ය පරීක්ෂණ මගින් තහවුරු වී ඇති බව කුරුණෑගල ශික්ෂණ රෝහලේ නියෝජ්‍ය අධ්‍යක්ෂ වෛද්‍ය චන්දන කැඳන්ගමුව මහතා ප්‍රකාශ කළේය .

10 April 2020

පැය 24 ක් තුළ ජර්මනියේ කොරෝනා ආසාදිතයින් 5323ක්

ජර්මනියේ පසුගිය පැය 24 තුළ කොරෝනා ආසාදිතයින් 5,323 ක් වාර්තා වී තිබේ. ඒ අනුව මේ වනවිට එරට තහවුරු කරගත් මුළු ආසාදිතයින් සංඛ්‍යාව 113,525ක් බවට පත්වී ඇතැයි බෝවන රෝග පිළිබඳ රොබට් කෝච් ආයතනය පෙන්වා දෙයි.

10 April 2020

කියන දේ අහන්නේ නැත්නම් බලය යෙදීමේ වරදක් තිබේද?

“අවම බලය” යනු නීතියට අදාළව යෙදෙන්නෙකි. අවම බලයෙන් පසුව උපරිම බලය ආදේශ වෙයි. උපරිම බලය ආදේශ වන්නේ කළ හැකි අන් යමක් නොමැතිම වූ විටය.

10 April 2020

සියලු වී මෝල් හිමියන්ගේ සේවාවන් අත්‍යාවශ්‍ය සේවා කරයි

සියලුම වී මෝල් හිමියන්ගේ සේවාවන් නැවත දැනුම් දෙනතුරු කොරෝනා නිරෝධායනය අත්‍යාවශ්‍ය සේවාවක් ලෙස නම් කර තිබෙන බව ජනාධිපති මාධ්‍ය අංශය නිවේදනයක් නිකුත් කරමින් සදහන් කරයි.

10 April 2020

කොරෝනාවෙන් සුවය ලබා තවත් අයෙක් පිටව යයි

කොරෝනා වයිරසය ආසාදනය වී සුවය ලබා අද (10) තවත් පුද්ගලයකු පිටත්ව ගිය බව සෞඛ්‍ය අමාත්‍යාංශය පවසයි.

10 April 2020

රැකියා සුරැකෙන හෙට දවසක්

කෝවිඩ් වයිරසයේ බලපෑම හේතුවෙන් ලෝකයේම ආර්ථිකය කෙතරම් පීඩනයකට පත්ව ඇත්ද යත් ඉන්දියාවෙන් ඖෂධ ගෙන්වා ගැනීම සඳහා තර්ජනාංගුලිය එසවීමට ඇමරිකානු ජනාධිපතිවරයාට සිදුවිය. අද (9 වැනිදා) පස්වරු 3.00 වන විට කොරෝනා වයිරසයෙන් ලෝකය පුරා මියගිය සංඛ්‍යාව 88,000 ක් ඉක්මවා තිබූ අතර ඒ අතර ඇමරිකානුවෝ 14,700ක් සිටියහ.

10 April 2020

කොරෝනා බලපෑමෙන් මිදෙන්න යුරෝ බිලියන 500 ක සහන මල්ලක්

කොරෝනා වෛරසයේ බලපෑමෙන් පීඩාවට පත්ව සිටින යුරෝපා රටවල් ඉන් මුදාගැනීමට යුරෝ බිලියන 500 ක පැකේජයක් ලබාදීමට යුරෝපා මුදල් අමාත්‍යවරු එකගවෙති.

10 April 2020

වසා දැමූ කුරුණෑගල හදිසි ප්‍රතිකාර ඒකකය යළි විවෘත කරයි

කොරෝනා ආසාදිත බවට සැකකරන රෝගියකු හමුවීම හේතුවෙන් ඊයේ (9) පස්වරුවේ තාවකාලිකව වසා දමන ලද කුරුණෑගල ශික්ෂණ රෝහලේ හදිසි අනතුරු සහ ප්‍රතිකාර ඒකකය අද (10) පෙරවරුවේ සිට නැවත විවෘත කර ප්‍රතිකාර සේවාවන් ඇරඹූ බව රෝහලේ නියෝජ්‍ය අධ්‍යක්ෂ වෛද්‍ය චන්දන කැඳන්ගමුව මහතා පැවසීය .

10 April 2020

කොරෝනා රෝගියා ගෙනා රියදුරු - සහායක නිරෝධානයනට

අම්පාර අක්කරපත්තුව 19 ග්‍රාම නිලධාරී වසමෙන් හමු වූ කොරෝනා ආසාදිතයාගේ පවුලේ සාමාජිකයින් අටදෙනා සහ කොරෝනා ආසාදිතයා කොළඹ සිට රැගෙන ආ වෑන් රථයේ රියදුරු සහ සහායක නිරෝධායනය සඳහා පොලොන්නරුව දම්මින්න නිරෝධායන මධ්‍යස්ථානය වෙත ඇතුළත් කර තිබේ.

10 April 2020

අකුරණ - බදුල්ලේ 12 ක් නිරෝධායනයට

කොරෝනා ආසාදිත පුද්ගලයින් ඇසුරු කළ බවට තහවුරු වූ අකුරණ හා බදුල්ල ප්‍රදේශයේ පුද්ගලයින් 12 දෙනෙකු අද (10) සිට නිරෝධායන ක්‍රියාවලිය සඳහා දියතලාව නිරෝධායන මධ්‍යස්ථානය වෙත ඇතුළත් කළ බව දියතලාව යුද හමුදාව කියයි.

10 April 2020

කරාපිටියේදී මියගිය අයෙකුගේ අවසන් කටයුතු නිරෝධායන නීතියට අනුව

ගාල්ල කරාපිටිය ශික්ෂණ රෝහලේ ප්‍රතිකාර ලබමින් සිටියදී මියගිය සිව්දරුපියකුගේ හදිසිමරණ පරීක්ෂණය පැවැත් වූ ගාල්ල නාගරික හදිසි මරණ පරීක්ෂක මහේෂ් ධර්මරත්න මහතා මියගිය පුද්ගලයාගේ දේහය මුද්‍රා තබා ජාත්‍යන්තර නිරෝධායන නීතිමාලාවට අනුව පැය 24 ක් ඇතුළත මහජන සෞඛ්‍ය පරීක්ෂකවරුන්ගේ අධීක්ෂණය යටතේ ආදාහනය සිදුකරන ලෙස පොලිසියට නියෝග කළේය.

10 April 2020