එසැණ පුවත්

2021 අවසානයේදී ට්‍රිලියන 18 ක ණය කන්දක රට හිරවෙනවා

මෙම ආණ්ඩුව ඉදිරිපත් කර ඇති අයවැය යෝජනාවට අනුව 2021 වසර අවසන් වන විට ශ්‍රී ලංකාව ට්‍රිලියන 18 ක ණය කන්දක හිරවන බවත් ඒ සඳහා විකල්ප ලෙස නැවත ණය ගැනීම හෝ සල්ලි අච්චු ගැසීම බවත් ජාතික ජනබලවේගය පක්‍ෂයේ මන්ත්‍රී විජිත හේරත් මහතා අද (19) පාර්ලිමේන්තුවේදී පැවසීය. එය අසමත් බවේ ලක්‍ෂණයක් ලෙසින් ද විජිත හේරත් මහතා විසින් හඳුන්වන ලදි.

19 November 2020

හල්දුම්මුල්ලට - ඇල්ලට නාය යාමේ අවදානම් කහ නිවේදන

අධික ලෙස වැසි ඇදහැලෙමින් පවතින බැවින් බදුල්ල දිස්ත්‍රික්කයේ හල්දුම්මුල්ල සහ ඇල්ල ප්‍රාදේශීය ලේකම් කොට්ඨාස දෙක සඳහා අද 19 සවස නායයාමේ අවදානම් කහ නිවේදන නිකුත් කළ බව ආපදා කළමනාකරණ මධ්‍යස්ථානය කියයි.

19 November 2020

හපුතලේ නායයාමක් - පවුල් 16 ක් ඉවත් කරයි

පවතින ධාරානිපාත වර්ෂාව සමඟ හපුතලේ ගල්කන්ද වත්තේ අද (19) සවස සිදුවූ නායයාමකින් පසු ඒ ආසන්නයේ අවදානම් ස්ථානවල පදිංචි පවුල් 16ක් ආරක්ෂිත පියවරක් ලෙස වහාම ඉවත් කළ බව හපුතලේ ප්‍රාදේශීය ලේකම් සුනිල් අබේකෝන් මහතා පැවසීය.

19 November 2020

කොරෝනා අසාදිත වූ 243 ක් හඳුනාගනී

කොරෝනා අසාදිත වූ පුද්ගලයින් 243 ක් අද (19) පස්වරු 6.20 වන විට වාර්තා වී ඇතැයි සෞඛ්‍ය අංශ කියයි.

19 November 2020

සමූපකාරයේත් සීනි ගිනි ගණන්

සීනි කිලෝවක් අලෙවි කළ හැකි උපරිම පාලන මිල රුපියල් 85 ක් වශයෙන් නියම කර තිබියදී, සීනි කිලෝවක් රුපියල් 50 ක වැඩි මිලට 135 බැගින් අලෙවි කිරීම මත පාරිභෝගික සේවා අධිකාරිය ගම්පහ විවිධ සේවා සමූපකාර සමිතියට අයත් ගම්පහ නගර ශාඛා වෙළදසළ වටලා නඩු පැවරීමට පියවර ගනු ලැබීය.

19 November 2020

විපක්ෂ නායක ලේකම් ලෙස නීතිඥ රවි ජයවර්ධන වැඩබාරගනී

විපක්ෂ නායක ලේකම්වරයා ලෙස නීතිඥ රවි ජයවර්ධන මහතා විපක්ෂ නායක කාර්යාලයේදී වැඩ භාරගත්තේය.

19 November 2020

කොරෝනාවේ හොඳ පැත්ත නාසා පර්යේෂණයකින් හෙළිවෙයි

පසුගිය මාස කිහිපය තුළ ලෝකයේ ඉන්ධන පරිභෝජනය අඩුවීමෙන් පරිසර දූෂණය සැලකියයුතු ලෙස අඩුවී ඇතැයි නාසා ආයතනය පෙන්වා දෙයි. කොරෝනා ව්‍යාප්තිය හේතුවෙන් ලොවපුරා රටවල් විසින් ක්‍රියාත්මක කර ඇති අගුලු දැමීම් හේතුවෙන් ඉන්ධන පරිභෝජනය ද පසුගිය මාසවල බොහෝ සෙයින් අඩුවිය.

19 November 2020

ක්‍රිකට් දූෂණයේ කරුණු 3 කට සොයිසා වැරදිකරු

අන්තර්ජාතික ක්‍රිකට් සභාවේ දූෂණ විරෝධී නීති සංග්‍රහය යටතේ කරුණු 3 ක් සම්බන්ධයෙන් හිටපු ශ්‍රී ලංකා ක්‍රීඩකයකු මෙන්ම ක්‍රිකට් පුහුණුකරුවකුද වන නුවන් සොයිසා වැරදිකරු වී තිබේ. අන්තර්ජාතික ක්‍රිකට් සභාවේ දූෂණ විරෝධී නීති සංග්‍රහය යටතේ ස්වාධීන දූෂණ විරෝධී විනිශ්චය සභාවක් විසින් කරන ලද නඩු විභාගයකින් අනතුරුව කරුණු 3 ක් සම්බන්ධයෙන් ඔහු වැරදිකරු කර ඇතැයි අන්තර්ජාතික ක්‍රිකට් සභාව නිවේදනයක් නිකුත් කරමින් කියා සිටියේය.

19 November 2020

කොළඹ හුදකලා ප්‍රදේශවලට හෙට සිට විශේෂඥ වෛද්‍ය සේවාවක්

කොළඹ මහ නගර සභා සීමාවේ හුදෙකලා කර ඇති ප්‍රදේශවල සිටින මහජනතාව වෙනුවෙන් හෙට (20) දිනයේ සිට විශේෂ ගිලන් රථ සේවාවක් හා විශේෂඥ වෛද්‍ය සේවාවක් ආරම්භ කරන බව සෞඛ්‍ය සේවා අධ්‍යක්ෂ ජනරාල් වෛද්‍ය අසේල ගුණවර්ධන මහතා පැවසීය.

19 November 2020

සේවා ස්ථානවලට කාර්ය මණ්ඩල ප්‍රවාහනයට අන්තර් පළාත් බස් රථ යොදවයි

කොවිඩ් වසංගත තත්වය හමුවේ සෞඛ්‍ය ආරක්ෂිතව සේවා ස්ථාන වෙත කාර්ය මණ්ඩල ප්‍රවාහනය සඳහා ජාතික ගමනාගමන කොමිෂන් සභාව අන්තර් පළාත් බස්රථ යෙදවීමට අවධානය යොමුකර තිබේ.

19 November 2020

බස්නාහිර වාහන ආදායම් බලපත්‍ර නිකුත් කිරීම නැවත ඇරඹෙයි

බස්නාහිර පළාතේ සංචරණ සීමා පනවා නොමැති ප්‍රාදේශීය ලේකම් කොට්ඨාස තුළ පිහිටි ප්‍රාදේශීය ලේකම් කාර්යාල මගින් නොවැම්බර් 16 දින සිට වාහන ආදායම් බලපත්‍ර නිකුත් කිරීම ආරම්භ කර ඇත.

19 November 2020

බන්ධනාගාරයෙන් පලා ගිය - මිය ගිය රැඳවියන් දෙදෙනාටත් කොරෝනා

බෝගම්බර පැරණි බන්ධනාගාරයෙන් පලා යාමට උත්සහ කළ අවස්ථාවේ බන්ධනාගාර නිලධාරීන් විසින් අත්අඩංගුවට ගත් රැඳවියෙකුට හා බන්ධනාගාර තාප්පයෙන් ඇද වැටී මරණයට පත්වූ රැඳවියාට කොවිඩ්-19 වෛරසය ආසාදනය වී තිබෙන බව පී.සී.ආර් පරීක්ෂණ මගින් තහවුරුව තිබේ.

19 November 2020

ආරක්ෂිත ක්‍රම අනුව එජාප වැඩ අරඹන්න යයි

සම්පූර්ණ සෞඛ්‍ය ආරක්ෂිත විධිවිධාන අනුගමනය කරමින් එක්සත් ජාතික පක්ෂයේ දේශපාලන වැඩකටයුතු ආරම්භ කිරීමට තීරණය කෙරේ.

19 November 2020

සුවය ලැබූ 316 ක් ගෙදර යති

කොරෝනා වයිරසය ආසාදනය වී රෝහල්ගතව ප්‍රතිකාර ලබමින් සිටි 316 දෙනෙකු සුවය ලබා අද (19) පිටව ගිය බව වසංගත රෝග විද්‍යා අංශය පවසයි.

19 November 2020

හුදකලා ප්‍රදේශ හැර ,පිරිවෙන්-සීලමාතා අධ්‍යාපන ආයතන 23 විවෘත කරයි

බස්නාහිර පළාතේ හා හුදකලා කර ඇති ප්‍රදේශවල හැර අනිකුත් ප්‍රදේශයන්වල සියලු පිරිවෙන් හා බෞද්ධ සීල මාතා අධ්‍යාපන අයතන එළැඹෙන 23 වැනිදා සිට ආරම්භ කිරීමට රජය තීරණය කර තිබේ.

19 November 2020

පස්කන්දක්  කඩා වැටී රක්වාන දෙනියාය පාර අවහිර වෙයි

රත්නපුර සිට මාදම්පේ රක්වාන දෙනියාය හරහා ගාල්ල දක්වා දිවෙන ඒ 17 මාර්ගයට නෑදොළ කිරිමැටිතැන්න ප්‍රදේශයෙදී පස් කන්දක් කඩා වැටීමෙන් එම මාර්ගයේ ගමනාගමනය අද( 19) වනවිටත් ඇනහිට තිබූ බව කොලොන්න පොලීසිය පවසයි.

19 November 2020

බස්නාහිර හැර සෙසු ප්‍රදේශවල පාසල් 23 වැනිදා සිට ඇරේ

බස්නාහිර පළාතේ සහ හුදකලා කර ඇති ප්‍රදේශවල පාසල් හැර සෙසු ප්‍රදේශවල පාසල් ලබන සඳුදා (23 වැනිදා) සිට ආරම්භ කිරීමට තීරණය කර ඇතැයි අධ්‍යාපන අමාත්‍ය ජී.එල්. පීරිස් මහතා පවසයි.

19 November 2020

පාර්ලිමේන්තුවේ සජීවී විකාශය ඇන හිටී

පාර්ලිමේන්තුවට මාධ්‍යවේදීන්ට පැමිණීමට අවකාශ ලබානොදී ඇති පසුබිමට සජීවී විකාශයද අත්හිටුවා තිබීම පිළිබඳ සමගි ජනබලවේගයේ පාර්ලිමේන්තු මන්ත්‍රී හර්ෂ ද සිල්වා මහතා අද(19) පාර්ලිමේන්තුවේදී ප්‍රශ්න කළේය.

19 November 2020

අමතර කොටස් එකලස් කළ වාහන ජාවාරමෙන් තවත් 6 ක් අල්ලයි

අමතර කොටස් ආනයනය කර එකලස් කර  හා සොරා ගත්   වාහන වල චැසි හා  එන්ජින් අංක වෙනස්  කර  විකුණා තිබූ  රුපියල් කෝටි 9 ආසන්න සුඛෝපභෝගී වාහන හයක්  අද   (19)  සොයා ගැනීමට හැකි වූ  බව පාණදුර කොට්ඨාස බුද්ධි ඒකකය කියයි 

19 November 2020

සිවාජිලිංගම් මහවිරු සැමරුමට අවසර ඉල්ලයි

නොවැම්බර් මාසයේ යෙදෙන මහවිරු සතියේ එක දිනක් හෝ උතුරේ වැසියන්ට බාධාවකින් තොරව නිදහසේ සැමරීමට අවස්ථාවක් රජයෙන් ඉල්ලා සිටින බවටත් එය උතුරේ ජනතාවගේ අයිතයක් බවටද උතුරු පලාත් සභාවේ හිටපු මන්ත්‍රීවරයෙකු වූ එම්.කේ සිවාජිලිංගම් ඉල්ලා සිටියි.

19 November 2020

ජනපති පාර්ලිමේන්තුවට පැමිණෙයි

ජනාධිපති ගෝඨාභය රාජපක්ෂ මහතා මීට සුළු මොහොතකට පෙර පාර්ලිමේන්තුවට පැමිණියේය. ඒ අයවැය විවාදයේ දෙවැනි දින විවාදයට එක්වීම සඳහාය.

19 November 2020

සිල්රෙදි නඩුවෙන් ලලිත්-අනූෂ නිදොස් කොට නිදහස්

කොළඹ මහාධිකරණය පැනවූ වසර තුනක සිර දඬුවම් හා දඩ නියම වී ඇප මත මුදාහැර සිටි හිටපු ජනාධිපති ලේකම් ලලිත් වීරතුංග සහ විදුලි සංදේශ නියාමන කොමිසමේ හිටපු අධ්‍යක්ෂ ජනරාල් අනූෂ පැල්පිට යන මහත්වරු එම චෝදනා වලින් නිදොස් කොට නිදහස් කිරීමට අභියාචනාධිකරණය අද (19) තීන්දු කළේය.

19 November 2020

ඇමරිකාවේ කොරෝනා මරණ 250,000 පනී

ඇමරිකා එක්සත් ජනපදයේ කොරෝනා වයිරසය හේතුවෙන් මියගිය සංඛ්‍යාව 250,000 පසුකර තිබේ.

19 November 2020

පේරාදෙණිය පොලිසියේ 5කට කොරෝනා

පේරාදෙණිය පොලිසියේ නිලධාරින් 5 දෙනෙකුට කෝවිඩ් වයිරසය ආසාධනය වී ඇති බව මහනුවර කොට්ඨාස භාර ජ්‍යෙෂ්ඨ පොලිස් අධිකාරී සුදත් මාසිංහ මහතා පවසයි.

19 November 2020

බදුල්ල නුවරඑළිය මාර්ගයට ගල් පෙරළීමේ අවදානමක්

පවතින වර්ෂාව සමග බදුල්ල නුවරඑළිය මාර්ගයටත් ගල් පෙරළීමේ අවදානමක් ඇතැයි බදුල්ල ආපදා කළමනාකරණ මධ්‍යස්ථානය කියයි. ඉකුත් දින රාත්‍රියේ කඳු මුදුනේ සිට විශාල ගලක් එම මාර්ගයේ 109 කිලෝමීටර් කණුව ආසන්නයේදී මාර්ගය මතට පතිත වී තිබේ.

18 November 2020

වංචාවට - දුෂණයට - නාස්තියට තරාතිරම නොබලා දඬුවම් දෙනවා

වංචාව, දුෂණය, නාස්තිය වෙනුවෙන් කටයුතු කරන ඕනැම පුද්ගලයෙකුට තරාතිරම නොබලා දඩුවම් කරන බව ජනාධිපති ගෝඨාභය රාජපක්ෂ මහතා පැවසීය.

18 November 2020

කො‍රෝනා සම්බන්ධ අසත්‍ය ප්‍රචාර කළ 29 ක් සොයයි

කොරෝනා වෛරසය හේතුවෙන් මහමග පුද්ගලයන් මිය යන බව සංවිධානාත්මකව අසත්‍ය ප්‍රචාරය කළ තවත් පුද්ගලයන් 29 සම්බන්ධයෙන් තොරතුරු අනාවරණය වී ඇතැයි පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහන මහතා පැවසීය.

18 November 2020

කොරෝනා දෙවැනි රැල්ලටත් සැලැස්මක් තියෙනවා

කොරෝනා පළමු රැල්ලල මැඩ පැවැත්වුවා සේම මෙවරද එය සාර්ථකව මැඩ පැවැත්විය හැකි බවත්, ඒ සඳහා රජය ක්‍රියාකරනුයේ සැළැස්මක් ඇතිව බවත් ජනාධිපති ගෝඨාභය රාජපක්ෂ මහතා පැවසීය.

18 November 2020