(බිමල් ශ්‍යාමන් ජයසිංහ )

අරලියගහ මන්දිරය ට යාබදව ඉදිකර තිබූ ආරක්ෂක කුටි ඉවත් කිරීම පෙරේදා (11) සිදු කළේය.     

කොළඹ මහ නගර සභාව මගින් මෙම කටයුතු සිදු කෙරිණි.

ආරක්ෂක හේතුන් මත යැයි පවසා 2005 වසරේ සිට වසර 19 ක කාලයක් වසා දමා තිබූ    අරලියගහ මන්දිරයට යාබද කොල්ලුපිටිය මුස්ලිම් පල්ලියේ සිට රොටුන්ඩා වටරවුම දක්වා දිවෙන මාර්ගය මීට දින කීපයකට ඉහතදී යළි මහජනතාව සඳහා විවෘත කළේය.

දීර්ඝ කාලයක් තිස්සේ ප්‍රවේශ වීමට නොහැකිව තිබූ මෙම මාර්ගය වත්මන් ආරක්ෂක තත්ත්වය සමාලෝචනය කිරීමෙන් අනතුරුව යළි විවෘත කරන ලෙස නව රජය උපදෙස් ලබා දී ඇත.

මෙම තීරණය නිසා අවට ප්‍රදේශවල රථවාහන ගමනාගමනය ලිහිල් කිරීමට සහ මහජනතාවට වැඩි පහසුවක් සැලසෙන බව සඳහන්  ය.