(අමදෝරු අමරජිව සහ ශ්‍රීනාත් ප්‍රසන්න ජයසූරිය)

ත්‍රිකුණාමලය උප්පුවේලි  කන්නියා - සර්ධාපුර මාර්ගයේ කිලිකුංජිමලේ වල්ලුවර් කෝට්ටන් නිවාස සංකීර්ණය අසල මාර්ගය අයිනේ දමාගිය දිනක් වයසැති බිලිදකු අද (04) සොයාගත් පොලිසිය එම බිළිදා රෝහල් ගත කිරිමට පියවර ගත්තේය.

ප්‍රදේශවාසින්ගෙන් පොලිසියට ලද තොරතුරක් අනුව ක්‍රියාත්මක වු ස්ථානාධිපති ප්‍රධාන පොලිස් පරික්ෂක කේ.එස්.ලලිකාත් කුමාර මහතා ඇතුලු පොලිස් කණ්ඩායමක් එම ස්ථානයට ගොස් මෙම බිළිදා සොයා ගැනිමට හැකිවිය.

පොහොර බෑගයක රෙදි කඩක් මත තබා තිබි ඇති අතර අයහපත් කාලගුණය නිසා ඒ අසල සිටි කාන්තාවක් බිළිදා වැස්සෙන් ආරක්ෂා කර ගැනිමට ඒ අසල ඇති ඇගේ නිවසේ පොලිසිය එනතෙක් ආරක්ෂා සහිතව තබාගෙන තිබිනැයි පොලිසිය කියයි.

පිරිමි දරුවකු මෙම බිළිදා හොදින් වැඩුනු දරුවකු වන අතර යහපත් සෞඛ්‍ය තත්වයෙන් ඇතැයි පොලිසිය අනුමාන කරයි. උප්පුවේලි පොලිසියේ ළමා හා කාන්තා කාර්යාංශයේ ස්ථානාධිපතිනි කාන්තා උප පොලිස් පරික්ෂක ටි.එච්.එන්.ජයමාලි මහත්මිය ඇතුලු කාන්තා පොලිස් නිලධාරිනියන් බිළිදා පොලිසියට රැගෙන විත් බිළිදාට අවශ්‍ය රෙදි පිළි ලබාදි ත්‍රිකුණාමලය රෝහලට බාරදී ඇත.

උප්පුවේලි පොලිස් ස්ථානාධිපති ප්‍රධාන පොලිස් පරික්ෂක කේ.එස්.ලලිත් කුමාර මහතා ගේ උපදෙස් මත ළමා හාකාන්තා ර්යාංශයේ ස්ථානාධිපතිනි කාන්තා උප පොලිස් පරික්ෂක ටි.එච්.එම්.ජයමාලි මහත්මිය ඇතුලු කණ්ඩායමක් බිළිදාගේ මව සොයා පුලුල් පරික්ෂණයක් ක්‍රියාත්මක කර ඇත.

මේ අතර බිළිදා පොලිසියට රැගෙන ඒමෙන් පසු බිළිදා හදා වඩා ගැනිමට ඉල්ලා මව්වරු තිදෙනකු එම අවස්ථාවේ පොලිසියට පැමිණි අතර තවත් දෙදෙනෙකු දුරකථනයෙන් පොලිසියට කථාකර බිළිදා හදාවඩා ගැනිමට ඉල්ලා ඇත. පොලිසිය එම මව්වරුන්ට ප්‍රකාශ කර ඇත්තේ ඒ සම්බන්ධයෙන් අධිකරණය හරහා ඉල්ලිම් කරන ලෙසය.රෝහලට ඇතුලත් කර සිටින බිළිදා ඉදිරි දින කිහිපය තුල අධිකරණ නියෝග මත පරිවාස භාරයට පත්කිරිමට නියමිතයි.