ආරිරත්න රණබාහු සහ සුජිත් හේවාජුලිගේ
අර්ජුන ඇලෝසියස් සමඟ ගනුදෙනු කළ බව කියන මන්ත්රීවරුන් ගැන විස්තර ඇතුළත් බැඳුම්කර කොමිෂන් සභා වාර්තාවෙන් දැනට ලැබී ඇත්තේ කොටසක් පමණක් හෙයින් සම්පුර්ණ ලේඛන ලැබුණු විගස ඒවා ඉදිරිපත් කිරිමට කටයුතු කරන බව කතානායක කරු ජයසුරිය මහතා පාර්ලිමේන්තුවේ දී අද (5) දැන්වීය.
තමා වෙත ලැබී ඇත්තේ එම කොමිෂන් සභා වාර්තාවේ C 350 – 360 දක්වා වු කොටසක් පමණක් යැයි ද කතානායකවරයා කීය.
මේ සම්බන්ධයෙන් කතානායකවයරා විශේෂ ප්රකාශයක් කරමින් මෙසේ ද කීය.
භාණ්ඩාගාර බැඳුම්කර විමර්ශන කොමිසන් සභාවට අදාළ සමහර වාර්තා එළි දක්වා නොමැති බැවින් ඒ කරුණ මුල්කර සමාජයේ විවිධ මාධ්ය නිවේදන නිකුත් වෙමින් පවතී.
සමහර අසත්ය ප්රවෘත්ති පළවීම නිසා ගරු පාර්ලිමේන්තු මන්ත්රීවරුන්ටත්, පාර්ලිමේන්තුවටත්, පොදුවේ රටටත් විශාල අපකීර්තියක් ඇති වී ඇත. එය ඉතා කණගාටුදායක සිද්ධියකි.
මා වෙත අද දින ලැබී තිබෙන C 350 – 360 දක්වා ලේඛන සමස්ත ලේඛනවල කොටසක් පමණක් බැවින් අද (5) පැවති පාර්ලිමේන්තු කටයුතු පිළිබඳ කාරක සභාව විසින් ඒකමතිකව තීරණ කළ පරිදි සම්පුර්ණ ලේඛන ලැබුණු විගස ඒවා මෙම සභාවට ඉදිරිපත් කිරිමට කටයුතු කරන බව දන්වමි.
එම නිසා මේ අවස්ථාවේ සියලු පාර්ශවයන්ගෙන් මා ඉල්ලා සිටින්නේ වගකීමෙන් යුතුව කටයුතු කරන ලෙසත්, අසත්ය ගොත ලද සාවද්ය මාධ්ය නිර්මාණ තුළින් පාර්ලිමේන්තුව හා එහි සාමාජිකයන් අපකිර්තියට ලක්වීමට ඉඩ නොතබන ලෙසත්ය.
COMMENTS
ලැබුන ඒවත් ඔරිජිනල් ද කියලා බලන්න. අපිට නම් විස්වාස නැත.
වාර්තාවක කොටස් කොටස් ලැබෙන සිරිතක් තිබෙනවාද ?
පරක්කු වෙන්න වෙන්න අසත්ය දේ සත්ය වෙනවා.ඕක ලැබුනොත් බස්නාහිරෙන් ඉර පායාවි.
ඔය වාර්තාව පිටසක්වල ලේඛනාගාරයකද තියෙන්නේ ? කඩිනමින් වාර්තාව එලියට දාන්න.
අවසානයට වෙන්නේ මොනවත් එහෙම එකක් නැ කියාවී.
ඉතුරු ලේඛන එළියට එයි 2020 න් පස්සේ. හොරකම මෙච්චර එළිවෙලත් තවත් හංගන්නේ ඡන්දෙ ඉවර වෙනකල් ද ?
1977 සිට 2005 දවා රටේ දේපල විකුන විකුණා රට අගාදයට දාලා . නැවතත් 2015 සිට පටන් ගත්තා හොරාකන්න. පවු අහිංසක ජනයා.....
ලංකාවේ ඇලෝසියස් ඇරෙන්න වෙන කිසිම ප්රශ්නයක් නැද්ද? මේක අනෙක් සියලුම අපචාර වසාගන්න සියලුම දෙනා භාවිතා කරන බවයි පෙනෙන්නේ. කෝ දැන් අර එළිවෙනකල් නඩු අහන උසාවි?