හිරාන් ප්‍රියංකර ජයසිංහ

කොරෝනා ආසාදිතයකු බවට මේ වන විට හදුනාගෙන ඇති පුත්තලම කඩුමයන්කුලම් විදියේ තැනැත්තා පදිංචි නිවසේ පිරිස හා මොහු සමග සම්බන්ධතා පැවැත්වු නිවාස දෙකක පිරිස දින 14 ක නිරෝධායන කටයුතුවල යෙදවිමට සෞඛ්‍ය අංශ අද( 28 ) පියවර ගැනිණි.

කොරෝනා අසාදිතයකු ලෙස හදුනා ගැනුන පුත්තලම කඩුමයන්කුලම් විදියේ පදිංචි තුවාන් මොහොමඩ් තුවාන් ( 50 ) නැමැත්තා පදිංචි නිවසේ බිරිද දරුවන් හා ඥාතින් ඇතුළු 7 දෙනෙකු හා මොහු නිතර ගැවසුන නිවාස දෙකක පිරිස මෙසේ නිරෝධායනයට ලක් කිරිමට සෞඛ්‍ය අංශ කටයුතු කර තිබුනී.

මේ වන විට සෞඛ්‍ය අංශ අනාවරණය කරගෙන ඇත්තේ දැනට කොරෝනා ආසාදිතයකු බව පැවසෙන ඉන්දුනිසියා හා තායිලන්තයේ සංචාරයේදි යෙදුන තවත් 6 දෙනෙකු මේ වන විට පුත්තලම , තිල්අඩිය , අල්කාසිම් සිටි රත්මල්යාය, ඇතුළු පිරිසක් බව බවයි .

කෙසේ නමුත් මෙම පිරිස තවත් කොතරම් පිරිසක් ඇසුරුකර ඇත් දැයි සොයා බැලිම මේවන විට අරඹා ඇති බව කියයි.

අදාල ස්ථානයට පුත්තලම සෞඛ්‍ය වෛද්‍ය නිළධාරි කාර්යාලයේ කණ්ඩායම් හා පුත්තලම මුලස්ථාන පොලිසියේ නිළධාරින්ද එක්වි අදාල කටයුතු කරන ආකාරය දැක ගත හැකි විනි.