(රංජිත් රාජපක්ෂ)

                       

2011 ලෝක කුසලානය සම්බන්ධයෙන් සිදු වුවේ යැයි කියන තරග පවාදිම සම්බන්ධයෙන් තමන් කළ ප්‍රකාශයට අදාල පිටු හයකින් සමන්විත  ලියකියවිල්ලක් අද (24) ක්‍රීඩා වැරදි විමර්ශන විශේෂ පොලිස් ඒකකය වෙත පැමිණිල්ලක් කළ බව හිටපු ක්‍රිඩා අමාත්‍ය සහ මහනුවර දිස්ත්‍රික් ශ්‍රී ලංකා නිදහස් පොදුජන පෙරමුණේ අපෙක්ෂක මහින්දනන්ද අලුත්ගමගේ මහතා පැවසීය.

නාවලපිටිය මහින්දානන්ද පදනම් කාර්යයාලයේ පැවති විශේෂ මාධ්‍යය හමුවකදී මෙසේ කීය.

ක්‍රීඩා වැරදි විමර්ශන විශේෂ පොලිස් ඒකකයේ නිලධාරින් පිරිසක් නාවලපිටිය මහින්දානන්ද පදනම් කාර්යයාලය වෙත පැමිණි පැමිණිල්ල සටහන් කරගෙන ඇත.

මෙම මාධ්‍යය හමුවේදි හිටපු ක්‍රිඩා අමාත්‍යවරයා කියා සිටියේ තමන් කල පැමිණිල්ල කරුණු 24 කින් යුත්  පිටු හයකින් සමන්විත වන බවද , එයට අදාල ලියකියවිලි 8 ක් ඇති බව ද ක්‍රීඩා වැරදි විමර්ශන විශේෂ පොලිස් ඒකකයට වෙත බාර දුන් බවයි.

ලෝකයේ ටෙස්ට් ක්‍රිඩා කරන රටවල් 12 අතර තරග පවාදිම සම්බන්ධයෙන් ශ්‍රි ලංකා ක්‍රිකට් කණ්ඩායමේ නම ද ඇතුළත් බවත් , මේ සම්බන්ධයෙන් පරික්ෂණයක් පවත්වන ලෙස හිටපු ක්‍රිඩා අමාත්‍යය හරින් ප්‍රනාන්දු මහතා වෙත අන්තර්ජාතික ක්‍රිකට් කම්ටුව විසින් විශේෂ ලිපියක් හරින් ප්‍රනාන්දු මහතා වෙත එවා තිබු බව මහින්දානන්ද අලුත්ගමගේ මහතා කියා සිටියේය.

එම තරග පවාදීම සම්බන්ධයෙන් පවතින සැකය සම්බන්ධයෙන් දැනට පොලිස් විශේෂ විමර්ෂණ අංශය මගින් විමර්ෂණයක් ආරම්භ කර ඇති නිසා තවදුරටත් ඒ පිළිබඳ කතා නොකරන ලෙසද අමාත්‍යවරයා සියළු මාධ්‍යයවේදින්ගෙන් ඉල්ලා සිටියේය.