(අංජුල මහික වීරරත්න සමඟ සුජිත් හේවාජුලිගේ)

පරණ ක්‍රමයෙන් අයුතු ප්‍රතිලාභ ලැබූ අය හැර සමාජයේ සියලු ජන කොටස් අයවැයෙන් සතුටට පත්ව ඇතැයි අග්‍රාමාත්‍ය ආචාර්ය හරිනි අමරසූරිය මෙනවිය පාර්ලිමේන්තුවේදී  පැවසුවාය.

"විවේචන වලින් අපේ අයවැය තවත් ශක්තිමත් වන බව කිව යුතුයි.විපක්‍ෂය අයවැයේ පළමු දවසේ දී කළ කතා සහ මාසයක් තිස්සේ විවාද කොට අද කළ කතා වල වර්ධනයක් තිබෙනවාද කියා මා බැලුවා.නමුත් අපට පෙනෙන්න තියෙන්නේ විපක්ෂයේ කතා තියෙන්නේ එතනම තමයි.ඔවුන්  හැමදාම එකම දේ මතුරන ස්වභාවයක් හැඟුණා.ජාතික ජන බලවේග ආණ්ඩු විසින් අරඹන්න යන සිස්ටම් චේන්ජ් සිදුවෙමින් තිබෙන  බව මේ අයවැය විවාද වලදී මට දැනුන දෙයක් යනුවෙන්ද අගමැතිවරිය කීවාය.